ମୁମ୍ବାଇ: ଲକଡାଉନ ପରେ ଫିଲ୍ମ, ଟିଭି ଶୋର ସୁଟିଂ କରିବାକୁ ଅନୁମତି ମିଳିଛି । ସରକାରଙ୍କ ନିୟମ ଅନୁଯାୟୀ 10 ବର୍ଷରୁ ଛୋଟ ପିଲା ଓ ବୟସ୍କ କଳାକାର ସୁଟିଂ କରିପାରିବେ ନାହିଁ । ଏବେ ଏହି ମାମଲା ଉପରେ ଫେମସ ଶୋ ‘ତାରକ ମେହତା କା ଉଲ୍ଟା ଚଷମା’ର ଅଭିନେତାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ଏହି ଶୋରେ ନଟ୍ଟୁ କାକା ଭୂମିକାରେ ଅଭିନୟ କରୁଥିବା ଅଭିନେତା ବାଲେ ଘନଶ୍ୟାମ ନାୟକ ନିଜ ମନ କଥା ବଖାଣିଛନ୍ତି ।
ସେ କହିଛନ୍ତି ଯେ ସେ ସୁସ୍ଥ ଅଛନ୍ତି ଓ ସୁଟିଂ କରିବାରେ ମଧ୍ୟ ସକ୍ଷମ । ଏଯାବତ ନିର୍ମାତାଙ୍କ ତରଫରୁ ତାଙ୍କୁ କିଛି କୁହାଯାଇନାହିଁ । ଯେବେଠୁ ସରକାର ଏହି ଘୋଷଣା କରିଛନ୍ତି, ସେହି ସମୟରୁ ତାଙ୍କ ପ୍ରଂଶସକ ତାଙ୍କୁ ମେସେଜ କରୁଛନ୍ତି ଯେ ତାଙ୍କ ବିନା ଶୋ ଖାଲି ଖାଲି ଲାଗିବ ।
ଯଦି ସେ ଆକ୍ଟି ନକରିବେ ତେବେ ସେ ମରିଯିବେ । ଜଣେ କଳାକାର ରୂପେ ସେ ନିଜ ଜୀବନର ଶେଷ ପର୍ଯ୍ୟନ୍ତ କାମ କରିବାକୁ ଚାହୁଛନ୍ତି । ଆଉ ଭଗବାନଙ୍କ ଦୟାରୁ ସେ ଏମିତି କରିବାରେ ସକ୍ଷମ ମଧ୍ୟ ଅଛନ୍ତି । ସୁଟିଂ ନକରିବାକୁ ତାଙ୍କୁ ନିରାଶ ଅନୁଭବ ହେଉଛି । 75 ବର୍ଷ ବୟରେ ମଧ୍ୟ କାମ କରିବାକୁ ସେ ସୁସ୍ଥ ଅଛନ୍ତି ବୋଲି କହିଛନ୍ତି ।
