ମୁମ୍ବାଇ: ସୁଶାନ୍ତି ସିଂ ମୃତ୍ୟୁ ମାମଲାରେ ଡ୍ରଗ୍ସ ଷଡଯନ୍ତ୍ର ପଦାକୁ ଆସିବା ପରେ ଚାଲିଛି ତଦନ୍ତ । ଶୁକ୍ରବାର ଏନସିବି ରିୟାଙ୍କ ଭାଇ ସୌଭିକ ଓ ମିରାଣ୍ଡାଙ୍କୁ ରିମାଣ୍ଡରେ ନେଇଥିଲା । ଏହାସହ ଶୁକ୍ରବାର ଦୁଇଜଣଙ୍କ ବାସଭବନରେ ମଧ୍ୟ ଏନସିବି ସର୍ଚ୍ଚ ଅପରେସନ କରାଯାଇଥିଲା । ଇତିମଧ୍ୟରେ ଖବର ସାମ୍ନାକୁ ଆସୁଛି ଯେ ଏନସିବି ଅଧିକାରୀଙ୍କ ଦ୍ବାରା ସୌଭିକ ଓ ସାମୁଅଲଙ୍କୁ ଏସପ୍ଲାନେଡ କୋର୍ଟକୁ ନିଆଯାଇଛି ।
ଭିଡିଓ ସୌଜନ୍ୟ: ଇଟିଭି ଭାରତ,ବ୍ୟୁରୋ
ପ୍ରକାଶ ଥାଉକି ସୌଭିକ ନିଜ ବୟାନରେ ଏହା ସ୍ବୀକାର କରିସାରିଲେଣି ଯେ ତାଙ୍କ ଭଉଣୀ ରିଆ ଚକ୍ରବର୍ତ୍ତୀଙ୍କ ନିର୍ଦ୍ଦେଶରେ ସାମୁଅଲ ଅଭିନେତାଙ୍କୁ ଡ୍ରଗ ଦେଉଥିଲେ । ଏହାବ୍ୟତୀତ ଏନସିବି ଅଧିକାରୀ କହିଛନ୍ତି ଯେ ପଚରାଉଚରା ପାଇଁ ଏବଂ ସେମାନଙ୍କ ଦ୍ବାରା ଗିରଫ ହୋଇଥିବା ଅନ୍ୟ ଅଭିଯୁକ୍ତଙ୍କ ସହ ମୁହାଁମୁହିଁ ହେବା ପାଇଁ ଏଜେନ୍ସି ସେମାନଙ୍କୁ ହେପାଜତକୁ ନେବ । ଜବତ ହୋଇଥିବା ଲାପଟପ୍ ଓ ମିଳିଥିବା ଚାଟ ଉପରେ ଏହି ଦୁଇ ଜଣଙ୍କୁ ଅଧିକ ପଚରାଉଚରା କରାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
