ମୁମ୍ବାଇ: ଫେମସ ଆକ୍ଟର ଅର୍ଜୁନ କପୁର ସବୁବେଳେ ସୋସିଆଲ ମିଡିଆରେ ଆକ୍ଟିଭ ନଜର ଆସନ୍ତି । ଫ୍ୟାନ୍ସଙ୍କ ପାଇଁ ସେ ପ୍ରାୟତଃ ନିଜର ଫଟୋ, ୱାର୍କଆଉଟ ଭିଡିଓ ସେୟାର କରନ୍ତି । ଇତିମଧ୍ୟରେ ସେ ଏକ ଫଟୋ ସେୟାର କରି ଚର୍ଚ୍ଚାରେ ଆସିଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି । ସେ ନିଜ ମା' ମୋନା କପୁରଙ୍କ ଏକ ପୁରୁଣା ଫଟୋ ସେୟାର କରିଛନ୍ତି । ଫଟୋ ସେୟାର କରିବା ସହ ସେ ଇମୋଶନାଲ ମଧ୍ୟ ନଜର ଆସୁଛନ୍ତି । ଏକଥ ଆମେ କହୁନାହୁଁ, ଏହା ତାଙ୍କ କ୍ୟାପସନରୁ ଜଣାପଡୁଛି ।
- " class="align-text-top noRightClick twitterSection" data="
">
ସେ ଫଟୋ କ୍ୟାପସନରେ ଲେଖିଛନ୍ତି, ‘ମୁଁ ମୋ ମା' ପରି ଦେଖାଯାଏ ।’ ସେ ମା'ଙ୍କ ଫଟୋ ସହ ନିଜର ଏକ ଫଟୋ କୋଲାଜ କରି ପୋଷ୍ଟର କରିଛନ୍ତି । ବର୍ତ୍ତମାନ ତାଙ୍କ ଏହି ଫଟୋକୁ ବି-ଟାଉନ ସେଲିବ୍ରିଟି ମଧ୍ୟ ଖୁବ୍ ପସନ୍ଦ କରିବାରେ ଲାଗିଛନ୍ତି ।
ଲୋକପ୍ରିୟ ଅଭିନେତା ରଣବୀର ସିଂ ତାଙ୍କ ଫଟୋରେ ମଜାଦାର ଅନ୍ଦାଜରେ କମେଣ୍ଟରେ ଲେଖିଛନ୍ତି, ‘ଆଇଲା।’ ରଣବୀରଙ୍କ ବ୍ୟତୀତ ସଞ୍ଜୟ କପୁର, ଅଦିତି ରାଓ ହୈଦରୀ, ସିଦ୍ଧାନ୍ତ ଚତୁର୍ବେଦୀ ଭଳି କଳାକାର ଅର୍ଜୁନଙ୍କ ଏହି ଫଟୋକୁ ଲାଇକ କରିଛନ୍ତି ।
ପ୍ରକାଶ ଥାଉକି ଅର୍ଜୁନଙ୍କ ମା' ସବୁବେଳେ ଚାହୁଁଥିଲେ ଅର୍ଜୁନଙ୍କୁ ବଡ ପରଦାରେ ହିରୋ ରୂପେ ଦେଖିବାକୁ । ହେଲେ ଅର୍ଜୁନଙ୍କ ଡେବ୍ୟୁ ଫିଲ୍ମ ‘ଇଶ୍କଜାଦେ’ର ରିଲିଜ କିଛି ସମୟ ପୂର୍ବରୁ ତାଙ୍କ ମା'ଙ୍କ ନିଧନ ହୋଇଥିଲା । ସେ କ୍ୟାନ୍ସର ରୋଗରେ ଆକ୍ରାନ୍ତ ଥିଲେ ।
