ମୁମ୍ବାଇ: ନିକଟରେ ଫେମସ କୋରିଓଗ୍ରାଫର ଜୈଦ ଦରବାରଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ ସୁନ୍ଦରୀ ଅଭିନେତ୍ରୀ ଗୌହର ଖାନ । ବର୍ତ୍ତମାନ ସେ ମ୍ୟାରେଜ ଲାଇଫ ଏନଜୟ କରୁଥିବାର ଆସୁଛନ୍ତି ନଜର । ହେଲେ ଇତିମଧ୍ୟରେ ସେ ସୋସିଆଲ ମିଡିଆରେ ବିବାହର କିଛି ମଜାଦାର ଫଟୋ ପୋଷ୍ଟ କରି ସମସ୍ତଙ୍କୁ ହସାଇ ଦେଇଛନ୍ତି । କାରଣ ଭାଇରାଲ ହେଉଥିବା ଗୋଟଏ ଫଟୋରେ ଦେଖିବାକୁ ମିଳୁଛି ଗୌହର, ଜୈଦଙ୍କୁ ହାତରେ ଉଠାଇ ଧରିଥିବାର ।
ଇନଷ୍ଟାଗ୍ରାମରେ ଏହି ଫଟୋଗୁଡିକ ପୋଷ୍ଟ କରି ସେ କ୍ୟାପସନରେ ଲେଖିଛନ୍ତି, ‘ଭଲରେ, ଖରାପରେ, ଦୁର୍ବଳରେ, ସାହସରେ ସବୁଥିରେ ସାଥିରେ ଅଛେ । ଜୈଦ ଦରବାର ।’ ବର୍ତ୍ତମାନ ତାଙ୍କ ଏହି ଫଟୋରେ ଫ୍ୟାନ୍ସ କମେଣ୍ଟ କରିବାରେ ଲାଗିଛନ୍ତି ।
- " class="align-text-top noRightClick twitterSection" data="
">
ଏହାପୂର୍ବରୁ ଜୈଦଙ୍କ ସହ ଗୌହର କିଛି ଫଟୋ ସିରିଜ ସେୟାର କରିଥିଲେ । ଯେଉଁଥିରେ ଦୁଇଜଣ ଏକାପରି ଟି-ସର୍ଟ ପିନ୍ଧିଥିବାର ଦେଖାଯାଉଥିଲେ । ସେହିପରି ଜୈଦଙ୍କ ଟି-ସର୍ଟରେ ହବି ଲେଖାଥିବା ବେଳେ ଗୌହରଙ୍କ ଟି-ସର୍ଟରେ ୱାଇଫି ଲେଖାଥିଲା । ଆଉ ଫଟୋର କ୍ୟାପସନରେ ଗୌହର ବ୍ଲାକ କଲରର ହାର୍ଟ ଇମୋଜି ଦେଇଥିଲେ ।
