କରତାରପୁର: ଆସନ୍ତା 9 ନଭେମ୍ବରରେ କରତାରପୁର କରିଡର ଉଦଘାଟିତ ହେବ । ଏନେଇ ପାକିସ୍ତାନର ପ୍ରକଳ୍ପ ନିର୍ଦ୍ଦେଶକ ଅତିଫ ମାଜିଦ ପ୍ରକାଶ କରିଛନ୍ତି । 11 ନଭେମ୍ବରରେ ଗୁରୁ ନାନକ ଦେବଙ୍କ 550ତମ ଜନ୍ମ ଜୟନ୍ତୀ ପାଳନ ପୂର୍ବରୁ ଏହି ଉଦଘାଟନ କରାଯିବ ।
କରତାରପୁର କରିଡରରେ ପ୍ରଥମରୁ ପ୍ରତ୍ୟେକ ଦିନ ଭାରତର 5 ହଜାର ଶ୍ରଦ୍ଧାଳୁଙ୍କୁ ଛଡାଯିବ । ପରବର୍ତ୍ତୀ ସମୟରେ ପ୍ରତିଦିନ 10 ହଜାର ଶ୍ରଦ୍ଧାଳୁଙ୍କୁ ଛଡାଯିବ ବୋଲି ଅତିଫ ମାଜିଦ କହିଛନ୍ତି । ଏହା ସହ ଭ୍ରମଣକାରୀଙ୍କ ପାଇଁ 150ଟି କେନ୍ଦ୍ର ଖୋଲାଯିବ ବୋଲି ସେ ସୂଚନା ଦେଇଛନ୍ତି । ସାମା ଟର୍ମିନାଲ ଜିରୋ ପଏଣ୍ଟରୁ 350 ମିଟର ଦୂରରେ ରହିବ ଓ ଏଠାରେ ବିମାନ ବନ୍ଦର ଭଳି ସୁବିଧା ଉପଲବ୍ଧ କରାଯିବ ବୋଲି କହିଛନ୍ତି ।
