ମୁମ୍ବାଇ: ଲୋକପ୍ରିୟ ନିର୍ଦ୍ଦେଶକ ଯୋଡ଼ି ଏନ୍ଥୋନି ରୁସୋ ଏବଂ ଜୋ ରୁସୋଙ୍କ ଅଭିନୀତ ବହୁ ପ୍ରତୀକ୍ଷିତ ଥ୍ରୀଲର ସିରିଜ୍ 'ସିଟାଡେଲ୍' ଏପ୍ରିଲ୍ ଶେଷ ସପ୍ତାହ ସୁଦ୍ଧା ଏହାର ଗ୍ରାଣ୍ଡ୍ ରିଲିଜ୍ ପାଇଁ ପ୍ରସ୍ତୁତ ହୋଇଛି । OTT ରିଲିଜ୍ ପୂର୍ବରୁ, 'ସିଟାଡେଲ୍'ର ନିର୍ମାତାମାନେ ଏହି ସିରିଜ୍ ପାଇଁ ଏକ ଗ୍ରାଣ୍ଡ ପ୍ରିମିୟର୍ କାର୍ଯ୍ୟକ୍ରମ ଆୟୋଜନ କରିଥିଲେ । ଯେଉଁଥିରେ ସିଟାଡେଲ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବଂ ଅଭିନେତା ରିଚାର୍ଡ ମୈଡେନ୍ ସେମାନଙ୍କ ଟିମ ସହ ନଜର ଆସିଥିଲେ । ଏଥିରେ ପ୍ରିୟଙ୍କାଙ୍କ ସ୍ବାମୀ ତଥା ହଲିଉଡ ଗାୟକ ନିକ ଜୋନସ ମଧ୍ୟ ସାମିଲ ହୋଇଥିଲେ ।ତେବେ ନିକ ସୋସିଆଲ ମିଡିଆରେ ଇଭେଣ୍ଟରୁ ପ୍ରିୟଙ୍କାଙ୍କ ଭିଡିଓକୁ ସେୟାର କରିଛନ୍ତି ।
- " class="align-text-top noRightClick twitterSection" data="
">
ମଙ୍ଗଳବାର ଲଣ୍ଡନରେ ଆୟୋଜିତ ଏହି ଗ୍ରାଣ୍ଡ୍ ଗ୍ଲୋବାଲ୍ ପ୍ରିମିୟର କାର୍ଯ୍ୟକ୍ରମରେ ଲାଲ ଗାଉନ ସହ ଗର୍ଜିୟସ ଲୁକରେ ନଜର ଆସିଥିଲେ ପ୍ରିୟଙ୍କା ଚୋପ୍ରା । ଏଥିସହ ଏହି ସିରିଜର ପ୍ରିମିୟର ଇଭେଣ୍ଟରେ ପ୍ରିୟଙ୍କାଙ୍କ ସ୍ବାମୀ ତଥା ହଲିଉଡ ଗାୟକ ନିକ ଜୋନସ ମଧ୍ୟ ଯୋଗ ଦେଇଥିଲେ । ଏବଂ ଇଭେଣ୍ଟରେ ତାଙ୍କ ପତ୍ନୀ ପ୍ରିୟଙ୍କାଙ୍କ ଗର୍ଜିୟସ ଲୁକର ଭିଡିଓ ନିଜ ଇନଷ୍ଟାଗ୍ରାମରେ ସେୟାର କରିଥିଲେ ନିକ । ଏହି ଭିଡିଓକୁ ସେୟାର କରି ନିକ କ୍ୟାପସନରେ ରେଡ ଡ୍ରେସ ଲେଖିଛନ୍ତି । ତେବେ ଏହି ଭିଡିଓକୁ ଫ୍ୟାନ୍ସ ଲାଇକ କରିବା ସହ କମେଣ୍ଟ କରିଛନ୍ତି । ସେପଟେ ରିଚାର୍ଡ ମୈଡନ୍ ଏକ ଧୂସର ଫର୍ମାଲ୍ ସାର୍ଟ ସହ ପ୍ୟାଣ୍ଟ ଏବଂ ବ୍ଲାକ ଭେଲଭେଟ ବ୍ଲେଜରରେ ଦେଖିବାକୁ ମିଳିଥିଲା । ଏହି ଲୁକରେ ରିଚାର୍ଡ ଖୁବ ସୁନ୍ଦର ଦେଖାଯାଉଥିଲେ ।
ସେପଟେ ଏହି ବିଶ୍ବସ୍ତରୀୟ ଗ୍ରାଣ୍ଡ ପ୍ରିମିୟରରେ ବଲିଉଡ ଅଭିନେତା ବରୁଣ ଧୱନ ଏବଂ ସାଉଥ ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କୁ ମଧ୍ୟ ଦେଖିବାକୁ ମିଳିଥିଲା । ଏହି ଅବସରରେ ଏକ ବ୍ଲାକ କୋ-ଅର୍ଡ ସେଟରେ ସାମନ୍ଥା ନଜର ଆସିଥିବା ବେଳେ ଏହି ଲୁକରେ ସେ ଖୁବ ସୁନ୍ଦର ଦେଖାଯାଉଥିଲେ । ସେହିପରି ବରୁଣ ମଧ୍ୟ ବ୍ଲାକ ପ୍ୟାଣ୍ଟ, ସାର୍ଟ ସହ ଜ୍ୟାକେଟରେ ଦେଖିବାକୁ ମିଳିଥିଲା । ପ୍ରିୟଙ୍କା ଚୋପ୍ରାଙ୍କ ଏହି ବିଦେଶୀ ଧାରାବାହିକ ସିଟାଡେଲର ହିନ୍ଦୀ ସଂସ୍କରଣରେ ଅଭିନେତ୍ରୀ ସାମନ୍ଥାଙ୍କ ସହ ବରୁଣ ଧୱନ ମୁଖ୍ୟ ଭୂମିକାରେ ନଜର ଆସିବେ ।
ସୂଚନା ଥାଉ କି, ଆଗାମୀ ଆକ୍ସନ୍ ଥ୍ରୀଲର ଫିଲ୍ମ ସିଟାଡେଲ ସର୍ବଭାରତୀୟ ସିରିଜର ପ୍ରଥମ ସିଜନରେ 6ଟି ଏପିସୋଡ୍ ରହିଛି । ରୁସୋ ବ୍ରଦର୍ସଙ୍କ AGBO ଏବଂ ଶୋ’ରନର୍ ଡେଭିଡ୍ ୱିଲ୍ ଏହି ସିରିଜ୍ ପ୍ରସ୍ତୁତ କରିଥିବା ବେଳେ ଏଥିରେ ପ୍ରିୟଙ୍କା ଚୋପ୍ରା ଜୋନାସଙ୍କ ବ୍ୟତୀତ ଷ୍ଟାନଲେ ଟୁଚି ଏବଂ ଲେସଲି ମାନଭିଲ୍ ମୁଖ୍ୟ ଭୂମିକାରେ ନଜର ଆସିବେ । ତେବେ ଏହି ଫିଲ୍ମ ଇଂରାଜୀ, ହିନ୍ଦୀ, ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡରେ ସିଟାଡେଲ୍ ରିଲିଜ ହେବାକୁ ଯାଉଛି ।
ପ୍ରିୟଙ୍କା ଚୋପ୍ରାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ପ୍ରିୟଙ୍କା ଚୋପ୍ରା ଖୁବ୍ ଶୀଘ୍ର ଫରହାନ୍ ଅଖତରଙ୍କ ଆଗାମୀ ଫିଲ୍ମ 'ଜୀ ଲେ ଜରା'ରେ ନଜର ଆସିବାକୁ ଯାଉଛନ୍ତି । ଏହି ଫିଲ୍ମରେ ପ୍ରିୟଙ୍କାଙ୍କ ସହ ବଲିଉଡ ଅଭିନେତ୍ରୀ ଆଲିଆ ଭଟ୍ଟ, କ୍ୟାଟ୍ରିନା କୈଫଙ୍କୁ ମଧ୍ୟ ଦେଖିବାକୁ ମିଳିବ।
