ମୁମ୍ବାଇ: ହୋଲିକୁ ଧୁମଧାମରେ ପାଳନ କରିଛନ୍ତି ବଲିଉଡ କରିଡରର ତାରକାମାନେ । ଏହାରି ମଧ୍ୟରେ ସୁପରଷ୍ଟାର ହ୍ରିତିକ ରୋଶନ ହୋଲିଙ୍କୁ ଏକ ନିଆରା ଢଙ୍ଗରେ ପାଳନ କରିଥିବାର ଦେଖିବାକୁ ମିଳିଛି । ଏହି ନିଆରା ଢଙ୍ଗର ହୋଲି ଖେଳର ଏକ ଭିଡିଓ ହ୍ରିତିକ ରୋଶନ ସୋସିଆଲ ମିଡିଆରେ ସେୟାର କରି ଏକ ଚମତ୍କାର କ୍ୟାପସନ ଦେଇଛନ୍ତି । ଯାହାକୁ ନେଇ ସେ ଅନେକ ପ୍ରଶଂସା ସାଉଁଟି ପାରିଛନ୍ତି । ଭିଡିଓ ଦେଖି ପୂର୍ବତନ ପତ୍ନୀ ସୁଜୈନ ଖାନ ପ୍ରତିକ୍ରିୟା ରଖିବାରେ ପଛାଇ ନାହାନ୍ତି ।
- " class="align-text-top noRightClick twitterSection" data="
">
ଭିଡିଓ ନିଜ ଇନଷ୍ଟାଗ୍ରାମରେ ସେୟାର୍ କରି ହ୍ରିତିକ୍ ଲେଖିଛନ୍ତି, "ନା ରଙ୍ଗ..ନା ଭାଙ୍ଗ, କେବଳ ଝାଳ ଏବଂ ମଜା, ହୋଲି ସକାଳର ବ୍ୟାୟାମର ଏକ ପ୍ରସ୍ତୁତ ଗ୍ୟାଙ୍ଗ, ମୋର ବନ୍ଧୁଗଣ ହୋଲିର ଶୁଭେଚ୍ଛା ।" ଏବଂ ଆପଣ ହୋଲି କିପରି ପାଳନ କରୁଛନ୍ତି ବୋଲି ପଚାରିଛନ୍ତି । ତେବେ ଏହି ଭିଡିଓରେ ହ୍ରିତିକ ତାଙ୍କ ପରିବାର ସଦସ୍ୟମାନେ ସକାଳର ବ୍ୟାୟାମ କରୁଥିବା ଦେଖାଯାଉଛି । ହ୍ରିତିକ ରୋଶନଙ୍କ ଉଭୟ ପୁଅ ମଧ୍ୟ ଏଥିରେ ସାମିଲ ଅଛନ୍ତି।
ତେବେ ହ୍ରିତିକ ରୋଶନଙ୍କ ଏହି ଭିଡିଓକୁ 3 ଲକ୍ଷରୁ ଅଧିକ ପ୍ରଶଂସକ ପସନ୍ଦ କରିଛନ୍ତି । ପ୍ରଶଂସକମାନେ ତାଙ୍କ ସାହସକୁ ପ୍ରଶଂସା କରୁଛନ୍ତି । ଏହି ଭିଡିଓକୁ ନେଇ ପ୍ରତିକ୍ରିୟା ଦେଇ ବଲିଉଡ ଅଭିନେତ୍ରୀ ଶିଲ୍ପା ସେଟ୍ଟୀ ଲେଖିଛନ୍ତି, "ହାହା, ... ଏହା ମୋର ହୋଲି ଉତ୍ସବ ପରି ଦେଖାଯାଉଛି । ଏଥି ସହିତ ହ୍ରିତିକଙ୍କ ପୂର୍ବତନ ପତ୍ନୀ ସୁଜୈନ ଖାନ ମଧ୍ୟ ଏହି ଭିଡିଓ ଉପରେ ମନ୍ତବ୍ୟ ଦେଇ ଲେଖିଛନ୍ତି ଯେ 'ସର୍ବଶ୍ରେଷ୍ଠ ହୋଲି'। ଏଥିସହିତ, ସୁଜୈନ ଖାନଙ୍କ ପୁରୁଷ ବନ୍ଧୁ ଆର୍ସଲାନ ଗୋନି ମଧ୍ୟ ଏହି ପୋଷ୍ଟକୁ ଲାଇକ କରିଛନ୍ତି ।
ସୂଚନା ଥାଉ କି, ହ୍ରିତିକ ଏବଂ ସୁଜୈନ ଖାନ ଛାଡପତ୍ର ପରେ ଉଭୟ ଜୀବନରେ ଆଗକୁ ବଢିଛନ୍ତି । ହ୍ରିତିକ ଅଭିନେତ୍ରୀ ସବା ଆଜାଦଙ୍କୁ ଡେଟ କରୁଛନ୍ତି ଯିଏ ତାଙ୍କଠାରୁ 14 ବର୍ଷ ସାନ ଏବଂ ତାଙ୍କୁ ଖୁବଶୀଘ୍ର ବିବାହ କରିବେ ବୋଲି ମଧ୍ୟ ଚର୍ଚ୍ଚା ହେଉଛି । ଏଥିସହିତ ସୁଜୈନ ଖାନ ଅଭିନେତା ଆର୍ସଲାନ ଗୋନିଙ୍କ ସହ ସମ୍ପର୍କରେ ରହିଥିବା ଚର୍ଚ୍ଚା ଜୋର ଧରିଛି ।
ହ୍ରିତିକଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ, ହ୍ରିତିକ ଆଗାମୀ ଦିନରେ ଦୀପିକା ପାଦୁକୋନଙ୍କ ସହ ଫିଲ୍ମ “ଫାଇଟର୍”ରେ ନଜର ଆସିବାକୁ ଯାଉଛନ୍ତି । ସିଦ୍ଧାର୍ଥ ଆନନ୍ଦଙ୍କ ଫିଲ୍ମ “ଫାଇଟର୍” ଯେଉଁଥିରେ ଅକ୍ଷୟ ଓବରୋଇ, କରଣ ସିଂ ଗ୍ରୋଭର ଏବଂ ଅନିଲ କପୁର ପ୍ରମୁଖ ଭୂମିକାରେ ନଜର ଆସିବେ । ତେବେ ଏହି ଫିଲ୍ମ 2024 ଜାନୁଆରୀ 25ରେ ରିଲିଜ ହେବ । ଏହା ଦୀପିକା ଏବଂ ହ୍ରିତିକଙ୍କ ପ୍ରଥମ ପ୍ରୋଜେକ୍ଟ ହେବ । ଅଭିନେତା ହ୍ରିତିକ ରୋଶନ ଶେଷ ଥର ପାଇଁ କ୍ରାଇମ ଥ୍ରୀଲର ଫିଲ୍ମ "ବିକ୍ରମ ବେଦ"ରେ ସୈଫ ଅଲି ଖାନ ଏବଂ ରାଧିକା ଆପ୍ଟେଙ୍କ ସହ ନଜର ଆସିଥିଲେ ।
