ମୁମ୍ବାଇ: ଡେଟିଂକୁ ନେଇ ଚର୍ଚ୍ଚାରେ ରହିଛନ୍ତି ବଲିଉଡ ଅଭିନେତା ଆଦିତ୍ୟ ରୟ କପୁର ଏବଂ ଅଭିନେତ୍ରୀ ଅନନ୍ୟା ପାଣ୍ଡେ । ଅନେକ ଥର ଉଭୟଙ୍କୁ ଏକାଠି ସ୍ପଟ୍ କରାଯାଇଥିବା ବେଳେ ବର୍ତ୍ତମାନ ପୁଣି ଏହି କପଲଙ୍କୁ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଛି । କିଛି ଦିନ ପୂର୍ବରୁ ଅନନ୍ୟା ଏବଂ ଆଦିତ୍ୟ ଭ୍ୟାକେସନରେ ଯାଇଥିବା ଫଟୋ ଭାଇରାଲ ହୋଇଥିଲା । ତେବେ ଉଭୟଙ୍କୁ ଏବେ ବିମାନବନ୍ଦରରେ ଦେଖି ପୁଣି ଏହି କପଲ ଭ୍ୟାକେସନରେ ଯାଇଥିବା ଚର୍ଚ୍ଚା ଜୋର ଧରିଛି ।
ଏକ ପ୍ୟାପ୍ ତାଙ୍କ ଅଫିସିଆଲ୍ ଇନଷ୍ଟାଗ୍ରାମରେ ଏହି ରୁମର ଲଭବାର୍ଡଙ୍କ ଏକ ଭିଡିଓ ସେୟାର କରିଛନ୍ତି । ଭିଡିଓରେ ଅନନ୍ୟା ପାଣ୍ଡେ ଏବଂ ଆଦିତ୍ୟ ରୟ କପୁରଙ୍କୁ ବିମାନବନ୍ଦରରେ ଦେଖିବାକୁ ମିଳିଛି । ଏହି ସମୟରେ ଉଭୟ କାଜୁଆଲ୍ ଡ୍ରେସ୍ରେ ନଜର ଆସିଛନ୍ତି । ଅନନ୍ୟାଙ୍କୁ ଏକ ହ୍ବାଇଟ୍ ଟପ୍ ଏବଂ ବ୍ରାଉନ୍ ରଙ୍ଗର ଟ୍ରାଉଜରରେ ଦେଖିବାକୁ ମିଳିଥିବା ବେଳେ ଆଦିତ୍ୟ ଚେକ୍ ସାର୍ଟ ଉପରେ ଗ୍ରେ' ରଙ୍ଗର ପ୍ୟାଣ୍ଟ୍ରେ ନଜର ଆସିଛନ୍ତି । ତେବେ ଏଥିରୁ ଅନୁମାନ କରାଯାଉଛି ଯେ ଏହି ରୁମର କପଲ ପୁଣି ଥରେ ଏକାଠି ଛୁଟିରେ ଯାଇଛନ୍ତି ।
କିଛି ମାସ ପୂର୍ବେ ସ୍ପେନରେ ଅନନ୍ୟା ପାଣ୍ଡେ ଏବଂ ଆଦିତ୍ୟ ରୟ କପୁରଙ୍କୁ ଦେଖିବାକୁ ମିଳିଥିଲା । ଯେଉଁଠାରେ ଉଭୟଙ୍କ ରୋମାଣ୍ଟିକ୍ ଫଟୋ ଭାଇରାଲ ହୋଇଥିଲା । ଏଥିସହ ଅନନ୍ୟାଙ୍କ ଫିଲ୍ମ ଡ୍ରିମ୍ ଗାର୍ଲ-୨ ସ୍କ୍ରିନିଂରେ ବି ଅଭିନେତାଙ୍କୁ ଦେଖିବାକୁ ମିଳିଥିଲା । ଗତ ସପ୍ତାହରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଯେଉଁଥିରେ ଫିଲ୍ମର ମୁଖ୍ୟ ଅଭିନେତା ଆୟୁଷ୍ମାନ ଖୁରାନା ଏବଂ ତାଙ୍କ ପତ୍ନୀ ତାହିରା କଶ୍ୟପ, ସୁହାନା ଖାନ, ନବ୍ୟା ନନ୍ଦା, ସନୟା କପୁର, ସନ୍ନି କୌଶଲ, ଚଙ୍କି ପାଣ୍ଡେ ଏବଂ ଅନ୍ୟମାନେ ଯୋଗ ଦେଇଥିଲେ । ଫିଲ୍ମ ଦେଖିବା ପରେ ଆଦିତ୍ୟ ପାପାରାଜିଙ୍କୁ ପ୍ରତିକ୍ରିୟା ମଧ୍ୟ ଦେଇଥିଲେ । ସେ ଏହି ଫିଲ୍ମକୁ ହିଟ୍ ବୋଲି କହିଥିଲେ ।
ଏହା ମଧ୍ୟ ପଢନ୍ତୁ: ଅନନ୍ୟା ପାଣ୍ଡେଙ୍କ ସହ ଛୁଟିଦିନର ଲିକ୍ ଫଟୋ ଉପରେ ପ୍ରତିକ୍ରିୟା ଦେଲେ ଆଦିତ୍ୟ, କହିଲେ...
ଆଦିତ୍ୟ ଏବଂ ଅନନ୍ୟାଙ୍କ ୱାର୍କଫ୍ରଣ୍ଟ୍ କଥା କହିବାକୁ ଗଲେ, 'ଡ୍ରିମ୍ ଗର୍ଲ-୨' ବ୍ୟତୀତ ଅନନ୍ୟା ପାଣ୍ଡେ 'ରକି ଔର ରାନୀ କି ପ୍ରେମ କାହାନି'ରେ କ୍ୟାମିଓ ରୋଲ୍ରେ ନଜର ଆସିଥିଲେ ଏବଂ ସେ ପ୍ରଶଂସା ମଧ୍ୟ ପାଇଥିଲେ । ବର୍ତ୍ତମାନ ଅନନ୍ୟାଙ୍କର ଏକ ଆଗାମୀ ଚଳଚ୍ଚିତ୍ର 'ଖୋ ଗାଏ ହମ୍ କାହାଁ' ରହିଛି । ଏହି ଚଳଚ୍ଚିତ୍ରରେ ସେ ପୁଣିଥରେ ସିଦ୍ଧାନ୍ତ ଚତୁର୍ବେଦୀଙ୍କ ବିପକ୍ଷରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ସେହିପରି ଆଦିତ୍ୟ ରୟ କପୁର ହଟ୍ଷ୍ଟାରର ୱେବ୍ ସିରିଜ୍ 'ଦ ନାଇଟ୍ ମ୍ୟାନେଜର୍-୨'ରେ ନଜର ଆସିଥିଲେ । ଆଦିତ୍ୟଙ୍କ ଏହି ସିରିଜ୍ ଲୋକଙ୍କୁ ବହୁତ ପସନ୍ଦ ଆସିଥିଲା । ଏବେ ତାଙ୍କୁ ସାରା ଅଲି ଖାନଙ୍କ ସହ ଫିଲ୍ମ 'ମେଟ୍ରୋ ଇନ୍ ଦିନୋ'ରେ ଦେଖିବାକୁ ମିଳିବ । ଏହି ଫିଲ୍ମ ଆସନ୍ତା ବର୍ଷ ମାର୍ଚ୍ଚ 29ରେ ମୁକ୍ତିଲାଭ କରିବ ।
