ସମ୍ବଲପୁର: ମୁଣ୍ଡ ଉପରେ ଛାତ ପାଇବେ ବସ୍ତି ବାସିନ୍ଦା । ଦୂର ହେବ ବର୍ଷ ବର୍ଷର ସମସ୍ୟା । ନିଜର ଏକ ପରିଚୟ ପାଇବେ । ସମ୍ବଲପୁର ଜିଲ୍ଲା ମହାନଗର ନିଗମରେ ଥିବା ବସ୍ତି ଅଞ୍ଚଳ ବାସିନ୍ଦାଙ୍କୁ ବାସଗୃହ ଓ ଘରଡିହ ପଟ୍ଟା ପ୍ରଦାନ ପାଇଁ ମୁଖ୍ୟମନ୍ତ୍ରୀ ଓ ୫ଟି ସଚିବଙ୍କ ସହ କଥା ହୋଇଛନ୍ତି ରେଢାଖୋଲ ବିଧାୟକ ଓ ବିଜେଡି ନେତା ନଳିନୀକାନ୍ତ ପ୍ରଧାନ ।
ବାସହୀନଙ୍କୁ ବାସଗୃହ ପାଇଁ ମୁଖ୍ୟମନ୍ତ୍ରୀଙ୍କ ସହ ଆଲୋଚନା
ସମ୍ବଲପୁର ଜିଲାପାଳଙ୍କ କାର୍ଯ୍ୟାଳୟରେ ଭିସି ଜରିଆରେ ମୁଖ୍ୟମନ୍ତ୍ରୀଙ୍କ ସହ ଏହି ପ୍ରସଙ୍ଗ ନେଇ ଆଲୋଚନା କରିଛନ୍ତି ରେଢ଼ାଖୋଲ ବିଧାୟକ । ବାସଗୃହ ଓ ଘରଡିହ ଜମି ପାଇବେ ସମ୍ବଲପୁର ମହାନଗର ନିଗମର ବାସିନ୍ଦା । ଏନେଇ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି । ସମ୍ବଲପୁର ମହାନଗରରେ 171ଟି ବସ୍ତି ଥିବା ବେଳେ ଏଠାରେ ମହାନଗର ଜନସଂଖ୍ୟାର 33 ପ୍ରତିଶତ ଲୋକ ବସବାସ କରନ୍ତି । ଏହି ବସ୍ତି ଗୁଡିକ ମଧ୍ୟରୁ 150ଟି ବସ୍ତିବାସିନ୍ଦାଙ୍କୁ ଏହି ସୁବିଧା ଜାଗା ମିଶନ ଜରିଆରେ ଦିଆଯିବ ଓ ଆଦର୍ଶ କଲୋନୀ ତିଆରି କରାଯିବ ବୋଲି ସୂଚନା ଦିଆଯାଇଛି ।
