କଟକ:ଦିନକୁ ଦିନ ରାଜ୍ୟରେ ବଢୁଛି ସାପ କାମୁଡା ଜନିତ ମୃତ୍ୟୁ। ବିଳମ୍ବ ଚିକିତ୍ସା, ଗୁଣି ଗାରେଡି ଉପରେ ବିଶ୍ବାସ ଓ ମନ୍ଦିରରେ ଚିକିତ୍ସା ଇତ୍ୟାଦି କାରଣ ଯୋଗୁଁ ଅନେକ ଲୋକଙ୍କ ମୃତ୍ୟୁ ହୋଇଥାଏ। ତେବେ ଏହି ସାପ କାମୁଡା ଜନିତ ମୃତ୍ୟକୁ କିପରି ରୋକାଯିବ ସେନେଇ ଆଜି ଏସସିବି ମେଡିକାଲରେ ଏକ ବୈଠକର ବାର୍ତ୍ତା ପ୍ରଦାନ କରାଯାଇଛି। ବିଶେଷକରି ଗାଁ ଗହଳି ମାନଙ୍କରେ ଏହି ସାପ କାମୁଡା ଜନିତ ମୃତ୍ୟୁ ବଢିବାରେ ଲାଗିଛି। ଯାହାର ମୁଖ୍ୟ କାରଣ ହେଉଛି ବିଳମ୍ବରେ ମେଡିକାଲରେ ପହଞ୍ଚିବା । ଯଦି ସମୟ ଥାଇ ରୋଗୀ ମେଡିକାଲରେ ଭର୍ତ୍ତି ହେବ ତେବେ ସେ ନିଶ୍ଚିତ ଆରୋଗ୍ୟ ହେବ।
ବିଶେଷକରି ବର୍ଷା ଦିନରେ ସାପ କାମୁଡା ମୃତ୍ୟ ଅଧିକ ପରିଲକ୍ଷିତ ହୋଇଥାଏ । କାରଣ ସେହି ସମୟରେ ସାପ ମାନଙ୍କର ରହିବା ସ୍ଥାନରେ ପାଣି ରହିଥିବାରୁ ବିଷଧର ସାପ ମାନେ ଶୁଖିଲା ସ୍ଥାନ ମାନଙ୍କରେ ଚଳପ୍ରଚଳ କରନ୍ତି । ଯାହାଦ୍ବାରା ସାଧାରଣ ଲୋକ ମାନେ ସର୍ପ ଦଂଶନର ଶିକାର ହୁଅନ୍ତି।
ଏହାସହ କିଛି ସାପର ବିଷ ନଥାଏ ଯେପରି ଢମଣା ,ଧଣ୍ଡ ଇତ୍ୟାଦି। ଏମାନେ ଖାଦ୍ୟ ଅନ୍ବେଷଣରେ ଆସିବା ସହ ସାପ ପାଟିରେ ବ୍ୟାକ୍ଟେରିଆ ରହିଥାଏ। ଯଦି ଏହି ସାପ ମଣିଷକୁ କାମୁଡ଼େ ତେବେ ମଣିଷ ଦେହରେ ମଧ୍ୟ ବିଷ ଚଢିଥାଏ । ତେବେ ଯଦି କୌଣସି ବିଷଧର ସାପ କାମୁଡୁଛି ତେବେ ସଙ୍ଗେସଙ୍ଗେ ସ୍ଥାନୀୟ ମେଡିକାଲରେ ଭର୍ତ୍ତି ହେବା ଆବଶ୍ୟକ। କୌଣସି ଗୁଣି ଗାରେଡି କିମ୍ବା ଝଡା ଫୁଙ୍କାରେ ବିଶ୍ବାସ କରିବା ଉଚିତ ନୁହେଁ ।
କଟକରୁ ପ୍ରଭୂ କଲ୍ୟାଣ ପାଲ, ଇଟିଭି ଭାରତ
