କଟକ: ଜମି ଦଲାଲକୁ ବାନ୍ଧିଲା ପୋଲିସ । ଜମି ଦେବା ବାହାନାରେ ଅଗ୍ରୀମ ଟଙ୍କା ରଖି ଗ୍ରାହକଙ୍କୁ ଲୁଟୁଥିଲା ଏହି ଦଲାଲ । ଏନେଇ ଥାନାରେ ମାମଲା ରୁଜୁ ହେବା ପରେ ଗତକାଲି(ଗୁରବାର) ପ୍ରଶାନ୍ତକୁ ବାନ୍ଧିଛି ପୋଲିସ ।
ସୂଚନାଅନୁସାରେ, ଜଗତପୁର ଅଞ୍ଚଳର ଅଶେଷ କୁମାର ସେଠୀ 2018 ମସିହାରେ ସ୍ଥାନୀୟ ଅଞ୍ଚଳରେ ଏକ ଜାଗା କିଣିବା ପାଇଁ ପ୍ରଶାନ୍ତ ବେହେରା ନାମକ ବ୍ୟକ୍ତିଙ୍କ ସହ ଚୁକ୍ତି କରିଥିଲେ । ମୋଟ 78 ଲକ୍ଷ ଜମି ବାବଦ ଦର ସ୍ଥିର ହେବା ପରେ ପ୍ରଥମ ଫେଜରେ 50 ଲକ୍ଷ ଟଙ୍କା ଓ ଦ୍ବିତୀୟ ଫେଜରେ 28 ହଜାର ଟଙ୍କା ପୈଠ କରିଥିଲେ ଅଶେଷ । ହେଲେ ବର୍ଷ ବର୍ଷ ବିତିବା ପରେ ମଧ୍ୟ ଅଶେଷଙ୍କୁ ଜମି ତ ଦୂରର କଥା ଦେଖା ମଧ୍ୟ ଦେଇନଥିଲେ । ଏନେଇ ଅଶେଷ ସ୍ଥାନୀୟ ଜଗତପୁର ଥାନାରେ ଏତଲା ଦେବା ପରେ ଗୁରୁବାର ପ୍ରଶାନ୍ତକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ତେବେ ପୂର୍ବରୁ ପ୍ରଶାନ୍ତ ନାଁରେ ଜଗତପୁର ଥାନାରେ ଏକାଧିକ ମମାଲା ରହିଥିବା ନେଇ ପୋଲିସ ପକ୍ଷରୁ ସୂଚନା ଦିଆଯାଇଛି ।
ଇଟିଭି ଭାରତ, କଟକ
