ଇଭୁବନେଶ୍ବର: ବାଳକାଟିରେ ଲୋମହର୍ଷଣକାରୀ ସଡକ ଦୁର୍ଘଟଣା । ବ୍ରିଜ ଉପରେ ବାଇକ ଆରୋହୀକୁ ଚାପିଦେଲା ଟ୍ରକ। ଘଟଣାସ୍ଥଳରେ ବାଇକ ଆରୋହୀ ମୃତ । ମୃତ ବ୍ୟକ୍ତି ହେଉଛନ୍ତି ନିମାପଡା ଥାନା ଛତାବର ଗାଁର ସୁକାନ୍ତ ନାୟକ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ତେବେ ଘଟଣା ପରେ ଘଟଣାସ୍ଥଳରେ ଦେଖାଦେଇଛି ଉତ୍ତେଜନା । ଦୁର୍ଘଟଣା ଘଟାଇଥିବା ଟ୍ରକକୁ ନିଆଁ ଲଗାଇ ଦେଇଛନ୍ତି ଉତ୍ୟକ୍ତ ଲୋକେ । ଘଟଣାସ୍ଥଳରେ ପୋଲିସ ପହଞ୍ଚି ପରିସ୍ଥିତି ଆୟତ୍ତକୁ ଆଣିଛି । ପାଖରେ ବାଲି ଖାଦାନ ଥିବା ଯୋଗୁଁ ଅନେକ ବାଲି ବୋଝେଇ ଟ୍ରକ ଏହି ପଟେ ଯାତାୟାତ କରୁଛନ୍ତି ଓ ଦ୍ରୁତ ଗତି ଯୋଗୁଁ ଏଭଳି ଦୁର୍ଘଟଣା ଘଟିଥିବା ଲୋକେ ଅଭିଯୋଗ କରିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
