ଭୁବନେଶ୍ବର: ସାଉଥ କୋରିଆର ଭୂଷଣ ସହରରେ ଅନୁଷ୍ଠିତ ଗ୍ଲୋବାଲ ଆଇଟି ଚ୍ୟାଲେଞ୍ଜରେ ଗୋଲ୍ଡ ମେଡାଲ ଜିତିଛନ୍ତି ଓଡ଼ିଆ ପୁଅ ଅମରେଶ ପ୍ରସାଦ ଗୌଡ଼ । ଘର ଗଞ୍ଜାମର ଖଲ୍ଲିକୋଟ ଅଞ୍ଚଳରେ । ସାଉଥ କୋରିଆରେ ଏହି ଆଇଟି ଚଲେଞ୍ଜ କାର୍ଯ୍ୟକ୍ରମ ନଭେମ୍ବର ୨୫ ରୁ ୨୯ ପର୍ଯ୍ୟନ୍ତ ଆରମ୍ଭ ହୋଇଛି । ଏଥିରେ 20 ଟି ଦେଶର ଦିବ୍ୟାଙ୍ଗ ପିଲା ମାନେ ଅଂଶଗ୍ରହଣ କରିଛନ୍ତି ।
ଏହି କାର୍ଯ୍ୟକ୍ରମରେ 4 ଟି ବିଷୟ ବସ୍ତୁ ଉପରେ ଚ୍ୟାଲେଞ୍ଜ ରହିଥିବା ବେଳେ ଅମରେଶ ଆଇଟି ଚ୍ୟାଲେଞ୍ଜରେ ଅଂଶଗ୍ରହଣ କରିଥିଲେ । ଏଥିରେ 25 ଟି ଦିବ୍ୟାଙ୍ଗ ପିଲା ଅଂଶଗ୍ରହଣ କରିଥିଲେ । ସେଥିମଧ୍ୟରୁ ଅମରେଶ ବାଜିମାତ କରିଛନ୍ତି । ଶେଷରେ ଭଲ ପ୍ରଦର୍ଶନ କରି ଗୋଲ୍ଡ ମେଡାଲ ଜିତିଛନ୍ତି । ଆଗକୁ ଅମରେଶ ଆଇଟି କ୍ଷେତ୍ରରେ ଆଗକୁ ନେବା ପାଇଁ ପ୍ରୟାସ କରିବା ସହ ଦିବ୍ୟାଙ୍ଗ ପିଲାଙ୍କୁ ଶିକ୍ଷା ଦେବା ପାଇଁ ଆଗକୁ ଆସିବେ ବୋଲି ଅମରେଶ କହିଛନ୍ତି । ଅନ୍ୟପଟେ ଅମରେଶଙ୍କ ପିତା କହିଛନ୍ତି ଯେ, ଏହି ଗୋଲ୍ଡ ମେଡାଲ ଜିତିବା ପରେ ବହୁତ ଖୁସି ଅଛନ୍ତି ପରିବାର । ଅମରେଶ ଜୀବନରେ ଯାହା ବି କରିବାକୁ ଚାହୁଁଛି, ସେଥିପାଇଁ ତାଙ୍କୁ ସମ୍ପୂର୍ଣ୍ଣ ରୂପେ ପରିବାର ପକ୍ଷରୁ ସମର୍ଥନ କରାଯିବ।
ଅମରେଶଙ୍କ ବାପା ତାଳଚେରରେ ଚାକିରୀ କରନ୍ତି । ଅମରେଶ ପିଲାଟି ଦିନରୁ ତାଳଚେରରେ ରହି ଆସୁଛନ୍ତି । ଲ' ଡିଏଭି ସ୍କୁଲରେ ଯୁକ୍ତ ଦୁଇ ପାଠ ପଢିବା ସହ କଟକ ସ୍ଥିତ ବୋଷ ଇଞ୍ଜିନିୟରିଂ କଲେଜରେ ଡିପ୍ଲୋମା ଅଧ୍ୟୟନ କରୁଛନ୍ତି । ହେଲେ ପିଲାଟି ଦିନରୁ ଦିବ୍ୟାଙ୍ଗ ଥିବା ହେତୁ ମନରେ ଦୁଃଖ ନରଖି ଜୀବନରେ ଆଗକୁ ବଢିବାର ପ୍ରୟାସ କରୁଛନ୍ତି ଅମରେଶ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ