ଭୁବନେଶ୍ବର: ରାସ୍ତା କଡରେ ଜୀବଜନ୍ତୁ କଟାକୁ ନେଇ ମାନବ ଅଧିକାର ଆୟୋଗ ପକ୍ଷରୁ ଶୁଣାଣି ହୋଇଛି। ଶୁଣାଣିରେ ସିଏମସି ଓ ଡିସିପିଙ୍କୁ ନୋଟିସ ଜାରି କରାଯାଇଛି । ଏହି ଶୁଣାଣି ବେଳେ ସିଏମସି କମିଶନର ଅନନ୍ୟା ଦାସ ଓ ସହରର ସ୍ୱାସ୍ଥ୍ୟ ଅଧିକାରୀ ଡ଼ଃ ଉମେଶ ପାଣିଗ୍ରାହୀ ଉପସ୍ଥିତ ରହିଥିଲେ ।
ଏହି ମାମଲା ସହ ଏସସିବି କଲେଜ ଓ ହସ୍ପିଟାଲ ରାସ୍ତାରେ ବେଆଇନ ଭାବରେ ପାର୍କିଂ ଯୋଗୁଁ ରାସ୍ତା ଅବରୋଧ ହେବା ସହ ରାସ୍ତା କଡରେ ଆବର୍ଜନା ଜମା ହୋଇ ରହିବା ନେଇ କମିଶନ ଖପ୍ପା ହୋଇଥିଲେ । ଏ ବାବଦରେ କାର୍ଯ୍ୟାନୁଷ୍ଠାନ ଗ୍ରହଣ କରି ଆସନ୍ତା ନଭେମ୍ବର ୧୮ ତାରିଖ ସୁଦ୍ଧା କମିଶନଙ୍କୁ ଜଣାଇବାକୁ କଟକ ମହାନଗର ନିଗମ, କଟକ କମିଶନରେଟ ଡିସିପିଙ୍କୁ ନିର୍ଦେଶ ଦିଆଯାଇଛି । ରାସ୍ତା କଡରେ ଜୀବଜନ୍ତୁ କଟାଯିବାକୁ ନେଇ ଜୟନ୍ତୀ ଦାସ କମିଶନଙ୍କ ଦ୍ୱାରସ୍ଥ ହୋଇଥିଲେ ।
ଜେଆଇସିଏ ପ୍ରକଳ୍ପ ସମେତ ଆବର୍ଜନା ଉଠା କାର୍ଯ୍ୟ ପାଇଁ ନିୟମିତ ଯାଞ୍ଚ କରାଯାଉ ବୋଲି କମିଶନ ନିର୍ଦ୍ଦେଶ ଦେଇଛନ୍ତି । କମିଟି ଏସବୁ କାମ କରିବା ପରେ ଏକ ରିପୋର୍ଟ ପ୍ରସ୍ତୁତ କରି ନଭେମ୍ବର ୧୮ ତାରିଖ ସୁଦ୍ଧା ରାଜ୍ୟ ମାନବ ଅଧିକାର କମିଶନଙ୍କୁ ଅବଗତ କରାଇବା ପାଇଁ ନିର୍ଦ୍ଦେଶ ରହିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
