ଭୁବନେଶ୍ବର: ଫାୟାର ଷ୍ଟେସନ ଓଭରବ୍ରିଜ ଉପରେ ଦୁର୍ଘଟଣା । 18 ଚକିଆ ଟ୍ରକକୁ ପଛପଟୁ ଧକ୍କା ଦେଲା 12 ଚକିଆ ଟ୍ରକ । ଟ୍ରକ ଉପରେ ଟ୍ରକଟି ମାଡିଯିବାରୁ ଘଟଣାସ୍ଥଳରେ ଜଣେ ଡ୍ରାଇଭର ମୃତ । ଦୁଇ ଜଣ ଗୁରୁତର ଆହତ ।
ରାଜଧାନୀରେ ଭୟଙ୍କର ଦୁର୍ଘଟଣା, 18 ଚକିଆକୁ ପିଟିଲା 12 ଚକିଆ ଟ୍ରକ୍
ମୃତକ ଜଣକ ଆନ୍ଧ୍ରପ୍ରଦେଶ କ୍ରିଷ୍ଣା ଜିଲ୍ଲା ଗୁଣ୍ଟୁରର ଫାରୁକ ବୋଲି ଜଣାପଡିଛନ୍ତି । ସେ AP39TB6148 ନମ୍ବର ଥିବା ଟ୍ରକ ଚଳାଉଥିଲେ । ଏପଟେ ଟ୍ରକ ଉପରେ ଟ୍ରକ ଚଢିଯାଇଥିବାରୁ ଆହତ ମାନଙ୍କୁ ଉଦ୍ଧାର କରିବା କଷ୍ଟ ହୋଇପଡିଥିଲା ।
ଘଟଣାସ୍ଥଳରେ ଓଡ୍ରାଫ ଟିମ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ସୂଚନା ଅନୁସାରେ, 18 ଚକିଆ ଟ୍ରକଟି ଯାନ୍ତ୍ରିକ ତ୍ରୁଟି ପାଇଁ ଓଭର ବ୍ରିଜ ଉପରେ ଠିଆ ହୋଇଥିବାବେଳେ ପଛପଟୁ ଆସୁଥିବା ଏକ 12 ଚକିଆ ଟ୍ରକ ଏହି ଟ୍ରକରେ ପିଟି ହୋଇଯାଇଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
