ଭୁବନେଶ୍ବର: ରୂପଜୀବୀ କର୍ମୀଙ୍କୁ ଖାଦ୍ୟ ଯୋଗାଇବା ପାଇଁ ଭୁବନେଶ୍ବର ମ୍ୟୁନିସିପାଲ କର୍ପୋରେସନକୁ ନିର୍ଦ୍ଦେଶ ମିଳିଛି । ରାଜ୍ୟ ମାନବ ଅଧିକାର ଆୟୋଗ ଏହି ନିର୍ଦ୍ଦେଶାନାମା ଜାରି କରିଛନ୍ତି । ସେମାନଙ୍କର ରାସନ କାର୍ଡ ଅଛି କି ନାହିଁ ତାହା ଉପରେ ନିର୍ଭର ନକରି ରାସନ ଦେବାକୁ ସେ କହିଛନ୍ତି ।
ଏହାସହ କୋଭିଡ ସମୟରେ ଭୁବନେଶ୍ବରରେ ରହିଥିବା ଦେହଜୀବୀଙ୍କ ବାବଦରେ ରିପୋର୍ଟ କରାଯିବା ଉଚିତ ବୋଲି ନିର୍ଦ୍ଦେଶରେ ଉଲ୍ଲେଖ କରାଯାଇଛି । ମଧ୍ୟମ ଓ ମହିଳା ଅଧିକାର ଅଭିଯାନର ଅଧ୍ୟକ୍ଷ ନମ୍ରତା ଚଡ୍ଡା ଏହି ବିବାଦରେ ପିଟିସନ ଦାଖଲ କରିଛନ୍ତି । ଯେଉଁଠାରେ ସେ ଲକଡାଉନ ଏବଂ କୋରୋନା ଯୋଗୁଁ ଦେହଜୀବୀ କର୍ମୀଙ୍କ ଦୁଃଖ ବିଷୟରେ ଆଲୋକପାତ କରିଛନ୍ତି ।
ସେମାନଙ୍କ ପାଇଁ ଏନଜିଓ ଏବଂ ଅନ୍ୟାନ୍ୟ ଉତ୍ସରୁ ରାସନ ବ୍ୟବସ୍ଥା କରୁଥିବା ସେ କହିଛନ୍ତି । ତେବେ ଆୟରେ କ୍ଷତି ହୋଇଥିବାରୁ ଦେହଜୀବୀଙ୍କୁ ଚିନ୍ତା ଏବଂ ଅଭାବ ଘାରି ରହିଛି | ସେ କହିଛନ୍ତି ଯେ ସେମାନଙ୍କ ପାଖରେ ଆଧାର କାର୍ଡ ଥିବା ସତ୍ତ୍ବେ ଜନଧନ ଆକାଉଣ୍ଟ ନାହିଁ ।
ସେମାନଙ୍କର ଥିବା ବ୍ୟାଙ୍କ ଆକାଉଣ୍ଟକୁ ଜନଧନ ଆକାଉଣ୍ଟରେ ପରିଣତ କରିବାକୁ ସେ କର୍ତ୍ତୃପକ୍ଷଙ୍କୁ ଅନୁରୋଧ କରିଛନ୍ତି । ଯାହା ଦ୍ବାରା ସେମାନେ ପ୍ରତି ମାସରେ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅଧୀନରେ 500 ଟଙ୍କା ପାଇବେ । ସେମାନଙ୍କର ରାସନ କାର୍ଡ ଅଛି କି ନାହିଁ ତାହା ଉପରେ ନିର୍ଭର ନକରି ରାସନ ଦିଆଯାଉ ବୋଲି ସେ ଦାବି କରିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
