ଭବାନୀପାଟଣା: ବରିଷ୍ଠ ଚଳଚ୍ଚିତ୍ର ଅଭିନେତା ବଦ୍ରିନାରାୟଣ ମହାପାତ୍ରଙ୍କ ବିୟୋଗ । ତାଙ୍କ ବିୟୋଗରେ ଓଡିଆ ସିନେ ଜଗତରେ ଖେଳିଯାଇଛି ଶୋକର ଛାୟା । ସେ ଏକାଧାରରେ ଜଣେ ଅଭିନେତା ଏବଂ ନିର୍ଦ୍ଦେଶକ ଥିବା ସହ ତାଙ୍କୁ ଓଡିଶା ସଂଗୀତ ନାଟକ ଏକାଡେମୀ ପୁରସ୍କାର ମଧ୍ୟ ପ୍ରଦାନ କରାଯାଇଥିଲା ।
ତେବେ ବିଶିଷ୍ଟ ଅଭିନେତା ବଦ୍ରିନାରାୟଣଙ୍କ ସମ୍ବଲପୁର ସ୍ଥିତ ବୁର୍ଲା ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ପ୍ରାଣହାନୀ ଘଟିଛି । ମୃତ୍ୟୁବେଳକୁ ତାଙ୍କୁ 83 ବର୍ଷ ହୋଇଥିଲା । ସେ ଲୋକପ୍ରିୟ ସିନେମା 'ସମର୍ପଣ', 'ପଳାତକ' ଏବଂ 'ଯମଦଣ୍ଡ'ରେ ଖବ୍ ସୁନ୍ଦର ଅଭିନୟ କରି ଦର୍ଶକଙ୍କ ମନ ମୋହିଥିଲେ । ଏପରି ଜଣେ ବରପୁତ୍ରଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ବିଟ ଯୋଗେ ଶୋକବ୍ୟକ୍ତ କରିଛନ୍ତି । ଓଡିଆ ସିନେ ଜଗତରେ ଅଭିନେତା ମହାପାତ୍ରଙ୍କ ଛାପ ସର୍ବଦା ସ୍ମରଣୀୟ ରୋହିବ ବୋଲି ମୁଖ୍ୟମନ୍ତ୍ରୀ କହିବା ସହ ତାଙ୍କ ଅବଦାନ ସର୍ବଦା ସ୍ମରଣୀୟ ହୋଇରହିବ ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
