ଭୁବନେଶ୍ବର: ମାସକ ମଧ୍ୟରେ ପିସିସି ପୁନର୍ଗଠନ ହେବ । ରାଜ୍ୟର 33ଟି ସାଙ୍ଗଠନିକ ଜିଲ୍ଲାରେ କଂଗ୍ରେସର ନୂଆ ସଭାପତି ନିଯୁକ୍ତି ପରେ ଏମିତି କହିଛନ୍ତି ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ ।
ଏହାସହ ନୂଆ ଜିଲ୍ଲା ସଭାପତିଙ୍କୁ ନେଇ ଦଳ ଉତ୍ସାହିତ ଅଛି । ଆସନ୍ତା 21 ତାରିଖରେ ନବ ନିଯୁକ୍ତ ସଭାପତିଙ୍କର ବୈଠକ କରାଯିବ । ରାଜ୍ୟ କଂଗ୍ରେସ ପ୍ରଭାରୀ ଏ ଚେଲ୍ଲାକୁମାର ଏହି ଗୁରୁତ୍ବପୂର୍ଣ୍ଣ ବୈଠକରେ ସାମିଲ ହେବେ ବୋଲି ସେ ସୂଚନା ଦେଇଛନ୍ତି ।
‘ମାସକ ମଧ୍ୟରେ ହେବ ପିସିସି ପୁନର୍ଗଠନ’
ସେହିପରି ଦଳର ଆଗାମୀ ରଣନୀତି ନେଇ ବ୍ୟାପକ ଆଲୋଚନା କରାଯିବ । ଏପରିକି ବ୍ଲକ ଓ ପଞ୍ଚାୟତ କମିଟି ଗଠନ ନେଇ ଚର୍ଚ୍ଚା କରାଯିବ । ଏହାସହ ପିସିସିର ଏକ ଛୋଟ କମିଟି ଖୁବଶୀଘ୍ର ଗଠନ ହେବ ବୋଲି ପ୍ରଦୀପ ସୂଚନା ଦେଇଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
