ଭୁବନେଶ୍ବର: ଲୋକସେବା ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଶ୍ବ ମୋହନ ପଟ୍ଟନାୟକଙ୍କ ଦ୍ବାରା ରଚିତ ଭ୍ରମଣ ପୁସ୍ତକ 'ପ୍ରାଚୁର୍ଯ୍ୟର ଇଲାକାରେ ଗୋଟିଏ ମାସ'କୁ ଉନ୍ମୋଚନ କରିଛନ୍ତି । ଏହି ପୁସ୍ତକ ସ୍କୁଲ କଲେଜରେ ପଢୁଥିବା ଛାତ୍ରଛାତ୍ରୀଙ୍କ ଦ୍ବାରା ଆଦୃତ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ସମ୍ବାଦର ସମ୍ପାଦକ ସୌମ୍ୟ ରଞ୍ଜନ ପଟ୍ଟନାୟକ, ପରିବେଶବିତ୍ ଦିଲ୍ଲୀପ ଶ୍ରୀ ଚନ୍ଦନ ପ୍ରମୁଖ ଉପସ୍ଥିତ ଥିଲେ ।
2014 ମସିହାରେ ଏହି ପୁସ୍ତକକୁ ଶ୍ରେଷ୍ଠ ଭ୍ରମଣ ପୁସ୍ତକ ଭାବେ ପୁରସ୍କୃତ କରାଯାଇଥିଲା । ସୂଚନାନୁସାରେ ଏହି ପୁସ୍ତକର 10 ହଜାର କରି ସ୍କୁଲ ମାନଙ୍କରେ ବଣ୍ଟନ କରାଯିବ । ଏହାର ଇଂରାଜୀ କପି A month in land of plentyର ଦୁଇ ହଜାର କପି କଲେଜରେ ବଣ୍ଟନ କରାଯିବ । ସେହିପରି ଦିଲ୍ଲୀପ ଶ୍ରୀ ଚନ୍ଦନଙ୍କ ପୁସ୍ତକ 'stop global warming from your school'ର ମଧ୍ୟ ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
