ଭୁବନେଶ୍ବର: ଘାରିଛି ବାତ୍ୟା ‘ମହା’ ଭୟ । 10 ରାଜ୍ୟର ମୁଖ୍ୟ ଶାସନ ସଚିବଙ୍କୁ ଚିଠି ଲେଖିଛନ୍ତି କେନ୍ଦ୍ର ସରକାର । ସତର୍କ ରହିବା ସହିତ ବାତ୍ୟାର ଗତିପଥ ନେଇ ଚିଠିରେ ଉଲ୍ଲେଖ ରହିଛି।
ସମ୍ଭାବ୍ୟ ବାତ୍ୟା ମହାକୁ ନେଇ କେରଳ, ଗୁଜରାଟ, ପଶ୍ଚିମବଙ୍ଗ, କର୍ଣ୍ଣାଟକ, ତାମିଲନାଡୁ, ଗୋଆ, ମହାରାଷ୍ଟ୍ର, ଆନ୍ଧ୍ରପ୍ରଦେଶ, ଆଣ୍ଡାମାନ, ନିକୋବର ଆଦି ରାଜ୍ୟକୁ ଚିଠି ଲେଖିଛନ୍ତି କେନ୍ଦ୍ର ସରକାର ।
ସେହିପରି ଲାକ୍ଷାଦୀପ, ଦାମନ ଡିଉ, ଦାଦ୍ରନଗର ହାବେଳି ପ୍ରଶାସକଙ୍କୁ ଚିଠି ଲେଖିଛି ଆଇଏମଡି । ବାତ୍ୟାର ପ୍ରକୋପ ଗୁଜରାଟରେ ଅଧିକ ରହିବ। ବର୍ଷା ଓ ପବନର ବେଗ ଅଧିକ ହେବା ନେଇ ଆଶଙ୍କା କରାଯାଇଛି । ସେହିପରି ମହାରାଷ୍ଟ୍ରର କିଛି ସ୍ଥାନରେ ଏହାର ପ୍ରକୋପ ପରିଲିକ୍ଷିତ ହେବ । ସେଠାରେ ତାଣ୍ଡବ ରଚିବା ପରେ ଏହା କ୍ରମଶଃ ଦୁର୍ବଳ ହେବ । ଏହାପରେ ପୂର୍ବ ଆଡ଼କୁ ମୁହାଁଇବ। ଉତ୍ତର ଓଡିଶା ଉପକୂଳ ଦେଇ ଏହା ପଶ୍ଚିମବଙ୍ଗ ଆଡକୁ ଯିବ ବୋଲି ଉଲ୍ଲେଖ ରହିଛି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
