ଭୁବନେଶ୍ବର: କେନ୍ଦ୍ରାପଡ଼ାର ପୂର୍ବତନ ସାସଂଦ ତଥା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ତାଙ୍କର ମତାଧିକାର ସାବ୍ୟସ୍ତ କରିଛନ୍ତି । ଭୁବନେଶ୍ବର ମଧ୍ୟ ନିର୍ବାଚନ ମଣ୍ଡଳୀରେ ଆଜି ଅପରାହ୍ଣରେ ବୈଜୟନ୍ତ ଭୋଟ ଦେଇଛନ୍ତି । ସେ ଭୁବନେଶ୍ବର ୟୁନିଟ-8 ଅନ୍ତର୍ଗତ ମଧ୍ୟ ରାଜଭବନ ଉପ୍ରା ମାଧ୍ୟମିକ ବିଦ୍ୟାଳୟର ବୁଥ ନମ୍ବର 19ରେ ମତାଧିକାର ସାବ୍ୟସ୍ତ କରିଛନ୍ତି । ତେବେ ବୈଜୟନ୍ତଙ୍କ ସହିତ ପତ୍ନୀ ଜାଗିମଙ୍ଗତ ପଣ୍ଡା ମଧ୍ୟ ମତଦାନ କରି ନିଜ ଅଧିକାର ସାବ୍ୟସ୍ତ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସେ କହିଛନ୍ତି ଭୋଟ ଦେବା ସବୁ ନାଗରିକଙ୍କ ଅଧିକାର । ସମସ୍ତେ ମତଦାନ କେନ୍ଦ୍ରକୁ ଆସି ନିଜର ଦେବା ଉଚିତ ବୋଲି ବୈଜୟନ୍ତ କହିଛନ୍ତି । ତେବେ ଗଣତନ୍ତ୍ରରେ ହିଂସାର କୌଣସି ସ୍ଥାନ ନାହିଁ ବୋଲି ସେ କହିଛନ୍ତି । ସେପଟେ ଜାଗି ମଙ୍ଗତ ପଣ୍ଡା ମଧ୍ୟ ନିଜର ମତ ସାବ୍ୟସ୍ତ କରିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
