ଭୁବନେଶ୍ୱର: ରାଜଧାନୀରୁ ଶୁକ୍ରବାର 61 ନୂଆ କୋରୋନା ଆକ୍ରାନ୍ତ ଚିହ୍ନଟ କରାଯାଇଛି । ଫଳରେ ଭୁବନେଶ୍ୱରରୁ ମୋଟ ଆକ୍ରାନ୍ତ ସଂଖ୍ୟା 29 ହଜାର 583 ରେ ପହଞ୍ଚିଛି । ଏପଟେ 91 ଜଣ ଆଜି ସୁସ୍ଥ ହୋଇଛନ୍ତି । ଅନ୍ୟପଟେ ଏକ ହଜାର ତଳକୁ ଖସିଲା କୋରୋନା ସକ୍ରିୟ ସଂଖ୍ୟା ।
ତେବେ ଏଠାରେ ହୋମକ୍ଵାରେଣ୍ଟାଇନ ଅପେକ୍ଷା ସ୍ଥାନୀୟ ସଂକ୍ରମଣ ଅଧିକ ରହିଥିବା ଦେଖିବାକୁ ମିଳୁଛି ।
ରାଜଧାନୀରେ ହୋମ କ୍ଵାରେଣ୍ଟାଇନରୁ ସେଣ୍ଟରରୁ 13 ଚିହ୍ନଟ କରାଯାଇଥିବା ବେଳେ ଲୋକାଲ ସଂକ୍ରମଣ 48 ରେ ପହଁଚିଛି । ଏପଟେ ଭୁବନେଶ୍ୱରରେ ମୋଟ ମୃତକଙ୍କ ସଂଖ୍ୟା 177 ଛୁଇଁଛି ।
ହୋମ କ୍ଵାରେଣ୍ଟାଇନରେ 13 ଜଣଙ୍କ ମଧ୍ୟରୁ 2 ଜଣ ଶୈଳେଶ୍ରୀ ବିହାର ଓ ୟୁନିଟ -3 ରୁ ଚିହ୍ନଟ ହୋଇଥିବା ବେଳେ ୟୁନିଟ- 7, ଜାଗମରା, ଖଣ୍ଡଗିରି, ଗଜପତିନଗର, ବଡଗଡ ଓ ଆଇଆରସି ଭିଲେଜ ଅଞ୍ଚଳରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ସ୍ଥାନୀୟ ସଂକ୍ରମଣ 48 ଜଣଙ୍କ ମଧ୍ୟରୁ 3 ଜଣ ଝାରପଡ଼ାରୁ, 3 ଜଣ ଓଲଡ଼ ଟାଉନରୁ, 3 ଜଣ ନୀଳକଣ୍ଠ ନଗରରୁ, 3 ଜଣ ପଳାସପଲିରୁ, 4 ଜଣ ମଞ୍ଚେଶ୍ୱରରୁ, 3 ଜଣ ପଟିଆ, କୋଲଥିଆ, ୟୁନିଟ- 3, ୟୁନିଟ -9, ରସୁଲଗଡ଼, ପାତ୍ରପଡା, ଶାନ୍ତିନାଗର, ଶ୍ୟାମାନଗର, ପୋଖରିପୁଟ, ପଳାଶୁଣି, ନୀଳାଦ୍ରି ବିହାର, ଆଦି ଅଞ୍ଚଳକରୁ ଆକ୍ରନ୍ତ ଚିହ୍ନଟ ହୋଇଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
