ବାଲେଶ୍ବର: ଜିଲ୍ଲା ସୀମାନ୍ତ ନୂଆ ଗାଁର ପୂର୍ଣ୍ଣଚନ୍ଦ୍ର ନାୟକ । ବୟସ ବଢିଛି କିନ୍ତୁ ଥକିନାହାନ୍ତି ପୂର୍ଣ୍ଣଚନ୍ଦ୍ର, ଅସୁସ୍ଥତା କାରଣରୁ ପେଶାରୁ ବାଦ ପଡିବା ପରେ ଏବେ ନିଶା ରିଲ୍ସ ଭିଡିଓ । ଯାହାଙ୍କ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ପରିଣତ ବୟସରେ ରିଲ୍ସ ଭିଡିଓ କରି ଏବେ ସେ ଚର୍ଚ୍ଚାକୁ ଆସିଛନ୍ତି । ଭିଡିଓ ମାଧ୍ୟମରେ କେତେବେଳେ ସୋସିଆଲ ମିଡଆ ୟୁଜର୍ସଙ୍କୁ ହସାଉଛନ୍ତି ତ ପୁଣି କେତେବେଳେ କନ୍ଦାଉଛନ୍ତି । ଭିଡିଓରେ ଜୀବନ୍ତ ଅଭିନୟ କରି ସମସ୍ତଙ୍କ ପ୍ରିୟ ହୋଇଛନ୍ତି ପୂର୍ଣ୍ଣଚନ୍ଦ୍ର ନାୟକ ।
ଏହା ମଧ୍ୟ ପଢନ୍ତୁ-ମହାପ୍ରଭୁଙ୍କୁ ଅବମାନନା, ଗାଡି ପଛରେ ବାନ୍ଧି ନେଉଥିବା ଭିଡିଓ ଭାଇରାଲ
ବିଭିନ୍ନ ପ୍ରକାର ଗୀତରେ ସେ ଜୀବନ୍ତ ଅଭିନୟ କରୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ପରେ ମିଲିୟନ ମିଲିୟନ ଛୁଇଁଛି ଭିୟ୍ୟୁର୍ସଙ୍କ ସଂଖ୍ୟା । ପୂର୍ଣ୍ଣଚନ୍ଦ୍ର ଭାଇରାଲ ଭିଡିଓରେ ଏକ ଭଜନ ଗୀତରେ ଅଭିନୟ କରୁଥିବା ବେଳେ କେତେବେଳେ ହସୁଛନ୍ତି ତ ପୁଣି କେତେବେଳେ କାନ୍ଦୁଛନ୍ତି । ଭିଡିଓଟିରେ ତାଙ୍କ ଜୀବନ୍ତ ଅଭିନୟକୁ ୟୁଜର୍ସ ମାନେ ବେସ ପ୍ରଶଂସା କରୁଛନ୍ତି ।
ପୂର୍ଣ୍ଣଚନ୍ଦ୍ର ନାୟକ ଦିନେ ମଞ୍ଚ କଳାକାର ଥିଲେ । ମଞ୍ଚରେ ଦମଦାର ଅଭିନୟ କରି ଦର୍ଶକଙ୍କ ବେଶ ମନୋରଞ୍ଜନ କରୁଥିଲେ । ଆଉ ସେଇଥିରେ ତାଙ୍କ ପରିବାର ଚଳୁଥିଲା । କିନ୍ତୁ ବୟସର ଅପରାହ୍ନରେ ଶାରୀରିକ ଅସୁସ୍ଥତା କାରଣରୁ ଅଭିନୟର ପେଶାରୁ ଏବେ ବାଦ ପଡିଯାଇଛନ୍ତି ପୂର୍ଣ୍ଣଚନ୍ଦ୍ର । ପେଟ ପୋଷିବା ପାଇଁ ଏକ ପାନ ଦୋକାନ କରିଛନ୍ତି ସେ । ସେଥିରୁ ଯାହା ରୋଜଗାର କରୁଛନ୍ତି ସେଥିରେ ପରିବାର ଚଳେ । ଅନେକ ସମୟରେ ସେହି ଦୋକାନରେ ବସି ମଧ୍ୟ ରିଲ୍ସ କରନ୍ତି ପୂର୍ଣ୍ଣଚନ୍ଦ୍ର । ଏବେ ସେ ଅନେକ ସମସ୍ୟା ଦେଇ ଗତି କରୁଥିେଲ ମଧ୍ୟ ଅଭିନୟକୁ ଭୁଲି ନାହାନ୍ତି । ରିଲ୍ସ ଭିଡ଼ିଓ ମାଧ୍ୟମରେ ନିଜର ଅଭିନୟକୁ ଜୀବନ୍ତ ରଖିବାକୁ ଚେଷ୍ଟା ଜାରି ରଖିଛନ୍ତି । ସୋସିଆଲ ମିଡିଆରେ ଗୋଟିଏ ପରେ ଗୋଟିଏ ରିଲ୍ସ ଅପଲୋଡ କରିଚାଲିଥିବା ବେଳେ ଏହା ତାଙ୍କୁ ନୂତନ ପରିଚୟ ଦେଇଛି । ପୂର୍ଣ୍ଣଚନ୍ଦ୍ରଙ୍କ ପରିବାରରେ ସମ୍ପର୍କୀୟ ଥିଲେ ମଧ୍ୟ ସେ ଓ ତାଙ୍କ ପତ୍ନୀ ଏକୁଟିଆ ରହୁଛନ୍ତି । ନିଜ ଅଞ୍ଚଳରେ ପୂର୍ଣ୍ଣ ଦାଦା ବୋଲି ଜଣାଶୁଣା ଥିବା ବେଳେ ରିଲ୍ସ ଭିଡ଼ିଓ ତାଙ୍କୁ ବଞ୍ଚିବାର ଏକ ନୂଆ ଖୋରାକ ଯୋଗାଇବା ସହ ଲକ୍ଷାଧିକ ଲୋକଙ୍କ ଭଲ ପାଇବା ଆଣି ଦେଇଛି।
ଇଟିଭି ଭାରତ, ବାଲେଶ୍ବର
