ନୂଆଦିଲ୍ଲୀ: ନାଗରିକ ଓ କ୍ଷୁଦ୍ର, ଲଘୁ ଓ ମଧ୍ୟମ ଉଦ୍ୟୋଗ(ଏମଏସଏମଇ)କୁ ନଗଦ ସହାୟତା ନ ଦେଇ ସରକାର ଅର୍ଥବ୍ୟବସ୍ଥାକୁ ବର୍ବାଦ କରୁଛନ୍ତି । କଂଗ୍ରେସ ନେତା ରାହୁଲ ଗାନ୍ଧୀ ଶନିବାର ଏ ନେଇ ଅଭିଯୋଗ କରିଛନ୍ତି । ଏପରିକି ସେ ଏହାକୁ ନୋଟବନ୍ଦୀ 2.0 ବୋଲି ଦର୍ଶାଇଛନ୍ତି ।
କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଟ୍ବିଟ କରି କହିଛନ୍ତି କି, ‘‘ସରକାର ଲୋକ ଓ ଏମଏସଏମଇକୁ ନଗଦ ସହାୟତାଦେବାକୁ ମନା କରି ସକ୍ରିୟ ରୂପରେ ଆମର ଅର୍ଥବ୍ୟବସ୍ଥାକୁ ଧ୍ବଂସ କରୁଛନ୍ତି । ଏହା ନୋଟବନ୍ଦୀ 2.0 । ’’
ଗତ କିଛି ଦିନ ଧରି ରାହୁଲ ଗାନ୍ଧୀ ଗରିବ ଓ ଏମଏସଏମଇ ଲୋକଙ୍କ ପାଇଁ ନଗଦ ସହାୟତା ଦେବାକୁ ଦାବି କରିଆସୁଛନ୍ତି । ସମଗ୍ର ଦେଶରେ 6 ମାସ ପାଇଁ ଦୁର୍ବଳ ଶ୍ରେଣୀର ଲୋକଙ୍କୁ 7500 ଟଙ୍କା ନଗଦ ସହାୟତା ଦେବାକୁ ସରକାରଙ୍କୁ ଅନୁରୋଧ କରିଥିଲେ ।
