ନୂଆଦିଲ୍ଲୀ: ଗୋଟିଏ ପକ୍ଷେ ମହାମାରୀ କୋରୋନାର ଭୟାବହତା ଆଉ ଅନ୍ୟପକ୍ଷେ ହସ୍ପିଟାଲରେ ଅକ୍ସିଜେନର ଅଭାବ । ରୋଗୀଙ୍କ ଜୀବନ ବଞ୍ଚାଇବାକୁ ଅହରହ ସଂଘର୍ଷ କରୁଛନ୍ତି ଡାକ୍ତର ଏବଂ ସ୍ବାସ୍ଥ୍ୟକର୍ମୀ । ଏହାରି ମଧ୍ୟରେ ଦିଲ୍ଲୀର ଆପୋଲୋ ହସ୍ପିଟାଲରୁ ଆସିଛି ଅଭାବନୀୟ ଘଟଣା । ଜଣେ ରୋଗୀର ମୃତ୍ୟୁକୁ ନେଇ ଡାକ୍ତରଙ୍କ ସହିତ ମୁହାଁମୁହିଁ ହୋଇଛନ୍ତି ପରିବାର ଲୋକେ ।
ରାଜଧାନୀ ଦିଲ୍ଲୀର ସରିତା ବିହାର ଆପୋଲୋ ହସ୍ପିଟାଲରେ ବେଡ୍ ନମିଳିବାରୁ ଜଣେ କୋଭିଡ ରୋଗୀଙ୍କ ମୃତ୍ୟୁ ହୋଇଯାଇଥିଲା । ତେବେ ରୋଗୀଙ୍କ ପରିବାର ଲୋକେ ହସ୍ପିଟାଲର ନର୍ସ ଓ ଡାକ୍ତରଙ୍କ ସହ ମାରପିଟ କରିଥିବା ଜଣାପଡିଛି ।
ଘଟଣାରେ ଡାକ୍ତର ଓ କର୍ମଚାରୀ, ସୁରକ୍ଷାକର୍ମୀଙ୍କ ସମେତ 8 ଜଣ ଆହତ ହୋଇଛନ୍ତି ।
