ପାଟନା: ଫ୍ରିଜ୍ ବିସ୍ଫୋରଣ ଯୋଗୁ ଚାଲିଗଲା 2 ମହିଳାଙ୍କ ଜୀବନ । ବିହାରର ମୁଜାଫରପୁରରେ ଏଭଳି ଅଭାବନୀୟ ଘଟଣା ଘଟିଛି । ମୁଜାଫରପୁର ଜିଲ୍ଲାର ଦେଓରିଆ ପୋଲିସ ଷ୍ଟେସନ ପରିସରର ଡୁମ୍ରି ପରମାନନ୍ଦପୁର ଗ୍ରାମରେ ବିଳମ୍ବିତ ରାତିରେ ଏକ ଘରେ ଅଚାନକ ରେଫ୍ରିଜରେଟର ବିସ୍ଫୋରଣ ହୋଇଥିଲା । ଫଳରେ ସେଠାରେ ଉପସ୍ଥିତ ଥିବା ଦୁଇଜଣ ମହିଳାଙ୍କ ମୃତ୍ୟୁ ଘଟିଛି । ଉଭୟ ସମ୍ପର୍କରେ ନଣନ୍ଦ ଓ ଭାଉଜ ବୋଇଥିବା ଜଣାପଡିଛି । ଏହି ବିସ୍ଫୋରଣ ବିଳମ୍ବିତ ରାତି ପ୍ରାୟ ଗୋଟାଏ ବେଳେ ହୋଇଥିବା କୁହାଯାଉଛି ।
ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ନିମିଷକରେ ସବୁ ଛାରଖାର ହୋଇଯାଇଥିଲା । ବିସ୍ଫୋରଣରେ ଗୁରୁତର ହୋଇ ମହିଳା 2 ଜଣ ଚିତ୍କାର କରିବାକୁ ଲାଗିଥିଲେ । ଏନେଇ ଖବର ପାଇବା ପରେ ତୁରନ୍ତ ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଥିଲା । ଏହି ଭୟଙ୍କର ବିସ୍ଫୋରଣ ଯୋଗୁ ଘରର ଅନ୍ୟାନ୍ୟ ଆସବାବପତ୍ର ମଧ୍ୟ ଜଳି ପୋଡି ନଷ୍ଟ ହୋଇଯାଇଥିଲା।
ଏହା ବି ପଢନ୍ତୁ...ନିଆଁ ଲାଗି ବିସ୍ଫୋରଣ ହେଲା ସାନିଟାଇଜର ଜାର, 2 ନାବାଳିକା ଗୁରୁତର
ସୂଚନା ଅନୁସାରେ, ପ୍ରାଣ ହରାଇଥିବା 2 ମହିଳାଙ୍କ ମଧ୍ୟରୁ ଜଣେ ମହିଳାଙ୍କର ବିବାହ ମାତ୍ର 3 ମାସ ପୂର୍ବେ ହୋଇଥିଲା । ନୀରଜ କୁମାରଙ୍କ ସହ ରୀତାଙ୍କ ବିବାହ ହୋଇଥିବାବେଳେ ନବବିବାହିତା ରୀତାଙ୍କର ଫ୍ରିଜ୍ ବିସ୍ଫୋରଣ ଯୋଗୁଁ ଜୀବନ ଯାଇଛି । ତେବେ ବିଳମ୍ବିତ ରାତିରେ ସମସ୍ତ ଶୋଇଥିବା ସମୟରେ ଏହି ବିସ୍ଫୋରଣ ଘଟିଥିଲା । ବିସ୍ଫୋରଣର ଶବ୍ଦ ଶୁଣି ପଡ଼ୋଶୀମାନେ ମଧ୍ୟ ଘଟଣାସ୍ଥଳକୁ ଆସିଥିଲେ । ହେଲେ କେହି କିଛି ବୁଝିବା ଆଗରୁ ହିଁ ସବୁ କିଛି ଶେଷ ହୋଇଯାଇଥିଲା । ସେଦିନ କାଲରାତ୍ରି 2 ନଣନ୍ଦ-ଭାଉଜଙ୍କ ଜୀବନ ନେଇଗଲା ।
ଏହା ବି ପଢନ୍ତୁ...ବାଣ ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ ଜଣେ ଆହତ
ସର୍ଟସର୍କିଟ କାରଣରୁ ରେଫ୍ରିଜିରେଟର ଏଭଳି ବିସ୍ଫୋରଣ ହୋଇଥିବା ସନ୍ଦେହ କରାଯାଉଛି । ଏସ୍ଡିଓ କୁମାର ଚନ୍ଦନ କହିଛନ୍ତି, ଦେୱରିଆ ଥାନା ଅଞ୍ଚଳରେ ବିଳମ୍ବିତ ରାତିରେ ବିସ୍ଫୋରଣ ଘଟିଥିଲା । ଫ୍ରିଜ୍ ବ୍ଲାଷ୍ଟରେ ଜଣେ ଯୁବତୀ ଓ ଜଣେ ମହିଳାଙ୍କ ଜୀବନ ଯାଇଛି । ଉଭୟେ ସମ୍ପର୍କରେ ନଣନ୍ଦ ଭାଉଜ ହୋଇଥିବା ଜଣାପଡିଛି । ବର୍ତ୍ତମାନ ପର୍ଯ୍ୟନ୍ତ ପରିବାର ପକ୍ଷରୁ ଥାନାରେ ଏନେଇ କୌଣସି ଅଭିଯୋଗ ହୋଇନାହିଁ ।"
ପୂର୍ବରୁ ଅନେକ ସମୟରେ ମୋବାଇଲ ବିସ୍ଫୋରଣରେ କେତେକ ଲୋକଙ୍କର ଜୀବନ ଯାଇଥିବାର ନଜିର ରହିଛି । ସେହିଭଳି ଫ୍ରିଜରେ ବିସ୍ଫୋରଣ କାରଣରୁ ବିହାରରେ 2 ମହିଳାଙ୍କ ଜୀବନ ଚାଲିଯିବା ଘଟଣା ସବୁଠି ଆଲୋଡନ ସୃଷ୍ଟି କରିଛି । ଏକାସହ 2 ଜଣଙ୍କୁ ହରାଇ ପରିବାରଲୋକେ ଦୁଃଖରେ ଭାଙ୍ଗି ପଡିଥିବାବେଳେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି ।
