ଶ୍ରୀନଗର: ଜମ୍ମୁ-କାଶ୍ମୀରରେ ରବିବାର ପୁଣିଥରେ ଅସ୍ତ୍ରବିରତି ଉଲ୍ଲଙ୍ଘନ କରିଛି ପାକିସ୍ତାନ । ପୁଞ୍ଛ ଜିଲ୍ଲାର ନିୟନ୍ତ୍ରଣ ରେଖାରେ ପାକିସ୍ତାନ ସୈନ୍ୟଙ୍କ ପକ୍ଷରୁ ଅସ୍ତ୍ରବିରତି ଉଲ୍ଲଙ୍ଘନ କରାଯାଇଛି । ତେବେ ଭାରତୀୟ ସେନା ଏହାର କଡା ଜବାବ ଦେଉଥିବା ଜଣାପଡିଛି ।
ପ୍ରତିରକ୍ଷା ସୁତ୍ରରୁ ମିଳିଥିବା ସୂଚନା ମୁତାବକ, ପାକିସ୍ତାନ ସୈନିକ ପୁଞ୍ଛ ଜିଲ୍ଲାର ବାଲାକୋଟ ସେକ୍ଟରରେ ଭାରତୀୟ ଚେକ ପୋଷ୍ଟଗୁଡିକୁ ଟାର୍ଗେଟ କରି ଗୁଳି ଏବଂ ମୋର୍ଟାର ମାଡ କରିଛନ୍ତି । ରବିବାର ସକାଳ ପ୍ରାୟ 6ଟା 15 ମିନିଟ ସମୟରେ ଏହି ଅସ୍ତ୍ରବିରତି ଉଲ୍ଲଙ୍ଘନ ହୋଇଥିବା ସେ କହିଛନ୍ତି ।
ସୂଚନାଯୋଗ୍ୟ ଯେ, ଗତ 1 ମାସରୁ ପାକିସ୍ତାନ ସୈନିକ ଜମ୍ମୁ-କାଶ୍ମୀର ସୀମାରେ ଅସ୍ତ୍ରବିରତି ଉଲ୍ଲଙ୍ଘନ କରୁଛନ୍ତି । ଗତକାଲି ପାକିସ୍ତାନ ସୈନ୍ୟଙ୍କ ଦ୍ବାରା କାଶ୍ମୀରର ଉରୀ ସେକ୍ଟରରେ ଆଖିବୁଜା ଗୁଳିମାଡ କରାଯାଇଥିଲା । ଏଥିରେ ନମ୍ବଲା ଗ୍ରାମର 5 ଜଣ ସାଧାରଣ ନାଗରିକ ଗୁରୁତର ଆହତ ହୋଇଥିଲେ ।
