ଇନ୍ଦୋର: ଚାଲିଛି ଆଇପିଏଲ ଋତୁ। ତେବେ ଏହି ସମୟରେ ଇନ୍ଦୋରରୁ ଆସିଛି ବେଆଇନ ବେଟିଂ ଅଭିଯୋଗ। IPL ରେ ବେଆଇନ ବେଟିଂ ଅଭିଯୋଗରେ ଇନ୍ଦୋରରୁ 9 ଜଣଙ୍କୁ ଗିରଫ କରିଛି ପୋଲିସ । ଏହାସହ 5 ଲକ୍ଷ ନଗଦ ଟଙ୍କା ସହ 15ଟି ମୋବାଇଲ ଜବତ କରିଛି।
ଗଣମାଧ୍ୟମକୁ ସୂଚନା ଦେଇ ହାଉସ ଅଫିସରଙ୍କ କହିବା ଅନୁସାରେ, କାନଦିଆ ପୋଲିସ ଷ୍ଟେସନ ଅଧୀନରେ 9 ଜଣଙ୍କୁ ଗିରଫ କରାଯାଉଛି। ଏହାସହ ସେମାନଙ୍କ ପାଖରୁ 5 , 05,000 ନଗଦ ଟଙ୍କ ସହ 15ଟି ମୋବାଇଲ ଫୋନ ମିଳିଛି।
'ଏମାନେ ପ୍ରତ୍ୟେକ ଦିନ ନିଜର ସ୍ଥାନ ପରିବର୍ତ୍ତନ କରୁଥିଲେ। ଗୁରୁବାର ସେମାନଙ୍କୁ କାବୁ କରାଯାଇଥିବା ବେଳେ ସମସ୍ତଙ୍କୁ ଗିରଫ କରାଯାଇଛି। ଏମାନଙ୍କ ପାଖରୁ ବେଟିଂକୁ ନେଇ କିଛି ମେସେଜ୍ ଓ ରେକର୍ଡିଂ ମଧ୍ୟ ପୋଲିସ ହାତରେ ଲାଗିଛି 'ବୋଲି ଏସଏଚଓ କହିଛନ୍ତି ।
ଅଭିଯୁକ୍ତମାନେ ଏକ ଗୁପ୍ତ ସ୍ଥାନରେ ବୈଠକ କରୁଥିବା ବେଳେ ଗୁପ୍ତ ସୂତ୍ରରୁ ଖବର ପାଇ ପୋଲିସ ଚଢାଉ କରିବା ସହ ସମସ୍ତଙ୍କୁ ଗିରଫ କରିଥିଲା।
