ମୁମ୍ବାଇ: ଜାତିର ପିତା ମହାତ୍ମା ଗାନ୍ଧୀଙ୍କ ବିରୋଧରେ ଟିପ୍ପଣୀ ଦେଇ ବିବାଦରେ ଫସିଛନ୍ତି ମୁମ୍ବାଇର ଡେପୁଟି ମ୍ୟୁନିସିପାଲ କମିଶନର ନିଧି ଚୌଧୂରୀ । ସେ ଟ୍ବିଟ ମାଧ୍ୟମରେ କହିଛନ୍ତି ଯେ ନୋଟରୁ ମହାତ୍ମା ଗାନ୍ଧୀଙ୍କ ଫଟୋକୁ ହଟାଯାଉ । ଏପରିକି ଦେଶରେ ଥିବା ହୋର୍ଡିଂ, ପ୍ରତିମୂର୍ତ୍ତି ଓ ଅନୁଷ୍ଠାନ ଗୁଡ଼ିକରୁ ତାଙ୍କର ପ୍ରତିମୂର୍ତ୍ତିକୁ ମଧ୍ୟ ହଟାଯାଉ । ଏଥିସହ ସେ 1948 ଘଟଣା ପାଇଁ ଗଡସେଙ୍କୁ ଧନ୍ୟବାଦ ଜଣାଇଛନ୍ତି ।
ଗତମାସ 17 ତାରିଖରେ ଏକ ଟ୍ବିଟର ସେ ଏହା ଲେଖିଥିଲେ । ଯାହାକୁ ନେଇ ଦେଶସାରା ବିବାଦ ଦେଖାଦେଇଥିଲା । ତେବେ ବିବାଦ ଘନେଇବାରୁ ସେ ଟ୍ବିଟକୁ ଡିଲିଟ କରିଛନ୍ତି । ଆଉ ଏହାର ସଫେଇ ଦେବାକୁ ଯାଇ ଅନ୍ୟ ଏକ ଟ୍ବିଟ ପୋଷ୍ଟ କରିଛନ୍ତି ।
ସେ ରିଟ୍ବିଟ କରି ଲେଖିଛନ୍ତି, ତାଙ୍କ ଟିପ୍ପଣୀକୁ ନେଇ ଲୋକମାନେ ଭୁଲ ବୁଝିଛନ୍ତି । ଭୁଲ ଧାରଣା ସୃଷ୍ଟି ହୋଇଥିବାରୁ ସେ ବାଧ୍ୟ ହୋଇ ଟ୍ବିଟକୁ ଡିଲିଟ କରିଛନ୍ତି । ଏଥିସହ ସହ ସେ ଆହୁରି କହିଛନ୍ତି , ଯଦି ତାଙ୍କୁ କିଏ 2011ରୁ ଫଲୋ କରୁଛି ତେବେ ସେମାନେ ନିଶ୍ଚୟ ଜାଣିଥିବେ । ମହାତ୍ମା ଗାନ୍ଧୀଙ୍କୁ ନେଇ ସେ ଏପରିକି କହି ପାରିବେ ନାହି । ସେ ତାଙ୍କ ଆଗରେ ନତମସ୍ତକ ସର୍ବଦା ବୋଲି ନିଧି ଟ୍ବିଟ ମାଧ୍ୟମରେ କହିଛନ୍ତି ।
