ପାଟଣା: ବିହାର ସମସ୍ତିପୁର ଶହୀଦ ଅମନ କୁମାରଙ୍କ ଘରେ ପହଞ୍ଚି 36 ଲକ୍ଷ ଟଙ୍କାର ଚେକ୍ ପ୍ରଦାନ କଲେ ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦୀ । 15 ଜୁନ୍ ରାତିରେ ଲଦାଖର ଗଲୱାନ ଉପତ୍ୟକାରେ ଭାରତ-ଚୀନ୍ ସୀମାରେ ହୋଇଥିବା ହିଂସାକାଣ୍ଡରେ ଜଣେ କମାଣ୍ଡିଂ ଅଫିସରଙ୍କ ସମେତ ଦେଶର 20 ଜଣ ଯବାନ ଶହୀଦ ହୋଇଥିଲେ । ସେମାନଙ୍କ ମଧ୍ୟରେ ବିହାରର ସମସ୍ତିପୁର ଜିଲ୍ଲା ସୁଲତାନପୁର ଗାଁର ବାସିନ୍ଦା ଅମନ କୁମାର ମଧ୍ୟ ଥିଲେ।
ସୋମବାର ରାଜ୍ୟର ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦୀ ସୁଲତାନପୁରରେ ପହଞ୍ଚି ଶହୀଦ ଅମାନଙ୍କ ପରିବାରକୁ ଭେଟିଥିଲେ। ଡେପୁଟି ସିଏମ୍ ଶହୀଦ ଅମନଙ୍କ ଫଟୋରେ ଶ୍ରଦ୍ଧାଞ୍ଜଳୀ ଅର୍ପଣ କରିବା ସହ ତାଙ୍କ ପରିବାରବର୍ଗଙ୍କୁ ସମସ୍ତ ସହଯୋଗର ଆଶ୍ୱାସନା ଦେଇଛନ୍ତି। ଏହା ସହ ବିହାର ସରକାରଙ୍କ ତରଫରୁ 36 ଲକ୍ଷ ଟଙ୍କାର ଚେକ୍ ହସ୍ତାନ୍ତର କରିଛନ୍ତି।
ସୁଶୀଲ କୁମାର କହିଛନ୍ତି ଦେଶ ଅମନଙ୍କ ପାଇଁ ସମଗ୍ର ଦେଶ ଆଜି ଗର୍ବିତ । ଦେଶ ତଥା ରାଜ୍ୟ ସରକାର ସର୍ବଦା ଶହୀଦ ପରିବାର ସହିତ ଛିଡା ହେବେ । ସେ ଲୋକଙ୍କୁ ଧୈର୍ଯ୍ୟବାନ ହେବାକୁ ନିବେଦନ କରି କହିଛନ୍ତି ଯେ ଶହୀଦମାନଙ୍କ ବଳିଦାନ କେବେ ବୃଥା ଯିବ ନାହିଁ।
