ନୂଆଦିଲ୍ଲୀ: ରବିବାର ପଡିବ ଷଷ୍ଠ ପର୍ଯ୍ୟାୟ ଭୋଟ । 7 ରାଜ୍ୟର 59ଟି ଆସନରେ ହେବ ଭୋଟ ଗ୍ରହଣ । ଏହି ପର୍ଯ୍ୟାୟରେ ଦିଲ୍ଲୀର ଜଣେ 111ବର୍ଷୀୟ ଭୋଟର ନିଜର ମତାଧିକାର ସାବ୍ୟସ୍ତ କରିବେ । ତେବେ ମତଦାନକୁ ନେଇ ବେଶ ଉତ୍ସାହିତ ସେ ।
ରାଜଧାନୀର ଏ ଭୋଟର ଜଣକ ହେଉଛନ୍ତି ବଚନ ସିଂହ । ଦେଶ ଗଠନର ଇଚ୍ଛା ଆଗରେ ହାର ମାନିଛି ବୟସ । ଦେଶ ଗଠନରେ ନିଜକୁ ସାମିଲ କରିବା ପାଇଁ ଏବେବି ତାଙ୍କଠାରେ ଦେଖିବାକୁ ମିଳିଛି ଭରପୁର ଉତ୍ସାହ । କେବଳ ନିଜେ ଭୋଟ ଦେଉନାହାଁନ୍ତି, ଅନ୍ୟମାନଙ୍କୁ ଭୋଟ ଦାନ ପାଇଁ ସେ ପ୍ରେରଣା ଯୋଗାଉଛନ୍ତି ।
ବଚନ କହନ୍ତି, ସମସ୍ତ ନାଗରିକ ଭୋଟ ଦେବା ଉଚିତ । ଗୋଟିଏ ବି ଭୋଟ ନଷ୍ଟ ହେବା ଉଚିତ ନୁହେଁ । ଦେଶ ଗଠନରେ ସମସ୍ତଙ୍କ ଭୂମିକା ଗୁରୁତ୍ବପୂର୍ଣ୍ଣ ।
