ନୂଆଦିଲ୍ଲୀ: ଲକଡାଉନ ଉପରେ କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀଙ୍କ ଅଧ୍ୟକ୍ଷତାରେ ଆଜି କଂଗ୍ରେସ ୱାର୍କିଂ କମିଟି (ସିଡବ୍ଲ୍ୟୁଡି) ର ଏକ ବୈଠକ ଅନୁଷ୍ଠିତ ହେବ । ଭିଡିଓ କନଫରେନ୍ସିଂ ମାଧ୍ୟମରେ କଂଗ୍ରେସର ବରିଷ୍ଠ ନେତାମାନେ ବର୍ତ୍ତମାନ ପରିସ୍ଥିତି ଉପରେ ଆଲୋଚନା କରିବେ ବୋଲି ଜଣାପଡିଛି ।
ଏହି ମାସରେ ସିଡବ୍ଲ୍ୟୁସି ଦ୍ବିତୀୟ ଥର ବୈଠକ କରୁଛି । ସିଡବ୍ଲ୍ୟୁସି ବୈଠକ ସମୟରେ ମାଇକ୍ରୋ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ମନ୍ତ୍ରଣାଳୟ (MSME)କ୍ଷେତ୍ରର ପୁନରୁତ୍ଥାନ ପାଇଁ ଦଳର ଯୋଜନା ତଥା ଚୂଡ଼ାନ୍ତ ରୂପ ଦେବା ଏବଂ ଅର୍ଥନୀତିର ପୁନରୁତ୍ଥାନ ପାଇଁ ଅନ୍ୟାନ୍ୟ ପଦକ୍ଷେପ ଦିଆଯିବାର ସମ୍ଭାବନା ରହିଛି ।
ଏହି ଯୋଜନା କେନ୍ଦ୍ରସରକାରଙ୍କ ନିକଟକୁ ପଠାଯିବ । ଫସଲ କ୍ରୟ ଏବଂ ପ୍ରବାସୀମାନଙ୍କ ସମସ୍ୟାର ସମାଧାନ ଉପରେ ମଧ୍ୟ ପାର୍ଟି ନିଜର ପରାମର୍ଶ ଦେବ ବୋଲି ଆଶା କରାଯାଉଛି ।
