ନୂଆଦିଲ୍ଲୀ: ଦେଶର ପ୍ରଥମ ଚିଫ ଅଫ ଡିଫେନ୍ସ ଷ୍ଟାଫ(ସିଡିଏସ) ଭାବେ ନିଯୁକ୍ତି ପାଇଲେ ସେନା ଅଧ୍ୟକ୍ଷ ଜେନେରାଲ ବିପିନ ରାୱତ । ସେ ଏବେ ତିନି ସେନା ବାହିନୀର ମୁଖ୍ୟ ଭାବେ କାର୍ଯ୍ୟ କରିବେ। ତିନି ସେନା ବାହିନୀ ସହ ଜଡିତ ମାମଲାରେ ପ୍ରତିରକ୍ଷା ମନ୍ତ୍ରୀଙ୍କୁ ପରାମର୍ଶ ଦେବା ତାଙ୍କ ଦାୟିତ୍ବ ହେବ ଅର୍ଥାତ ବିପିନ ରାୱତ ପ୍ରତିରକ୍ଷା ମନ୍ତ୍ରୀଙ୍କ ପ୍ରଧାନ ସୈନ୍ୟ ପରାମର୍ଶଦାତା ହେବେ । ଏହା ସହିତ ସେ ସରକାର ଓ ସେନା ବାହିନୀ ମଧ୍ୟରେ ସମନ୍ୱୟ ରକ୍ଷା କରିବାର କାର୍ଯ୍ୟ ମଧ୍ୟ କରିବେ ।
ଜେନେରାଲ ରାୱତଙ୍କର ସ୍ଥଳସେନା ମୁଖ୍ୟ ଭାବେ କାର୍ଯ୍ୟକାଳ ଆସନ୍ତାକାଲି ଶେଷ ହେବ। ସେ ଆସନ୍ତା କାଲି ହିଁ ସ୍ଥଳସେନା ପଦରୁ ଅବସର ନେବା ପରେ ଦେଶର ପ୍ରଥମ ସିଡିଏସ ଭାବେ ଦାୟିତ୍ବ ନେବେ ।
