ରାଞ୍ଚି: ଝାଡଖଣ୍ଡ ପୋଲିସକୁ ମିଳିଛି ବଡ଼ ସଫଳତା । ଖୁଣ୍ଟି ପୋଲିସର ନେତୃତ୍ୱରେ ପୋଲିସ ସବ୍ ଜୋନାଲ କମାଣ୍ଡର ଜିତାରାଇ ମୁଣ୍ଡାଙ୍କ ସମେତ 7 ଜଣ ନକ୍ସଲଙ୍କୁ ଗିରଫ କରିଛି । ତେବେ ଗିରଫ ହୋଇଥିବା ନକ୍ସଲଙ୍କ ମୁଣ୍ଡରେ 5 ଲକ୍ଷ ରାଶି ଘୋଷଣା କରାଯାଇଥିଲା । ଗିରଫ ନକ୍ସଲଙ୍କ ଖବର ପାଇ ପୋଲିସ ଭିନ୍ନ ଭିନ୍ନ ଜିଲ୍ଲା ଥାନାରେ ଚଢାଇ କରି ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରିଛି । ଗିରଫ ନକ୍ସଲଙ୍କ ମଧ୍ୟରୁ ପାଞ୍ଚ ନକ୍ସଲ ପୋଲିସ କର୍ମଚାରୀଙ୍କ ହତ୍ୟା ସମେତ ଅନେକ ପ୍ରମୁଖ ଘଟଣାରେ ସମ୍ପୃକ୍ତ ଥିବା ସ୍ୱୀକାର କରିଛନ୍ତି ।
ସୋମବାର ଖୁଣ୍ଟି ପୋଲିସକୁ ସୂଚନା ମିଳିଥିଲା ଯେ ନକ୍ସଲଙ୍କ ଏକ ଦଳ ଆଡକୀ-ମାରଙ୍ଗାହଦା ସୀମାବର୍ତ୍ତୀ ଅଞ୍ଚଳରେ ଏକାଠି ହୋଇଥିଲେ ଏବଂ କୌଣସି ଏକ ବଡ଼ଧରଣର ଘଟଣା ଘଟାଇବା ପ୍ରକ୍ରିୟାରେ ଅଛନ୍ତି । ସୂଚନା ଆଧାରରେ ପୋଲିସ ଏକ ସ୍ୱତନ୍ତ୍ର ଟିମ୍ ଗଠନ କରି ତୁରନ୍ତ ଟାର୍ଗେଟ ଅଞ୍ଚଳରେ ଅପରେସନ୍ ଆରମ୍ଭ କରିଥିଲା । ଖୋଜାଖୋଜିବେଳେ ପୋଲିସ ରଙ୍ଗରୋଙ୍ଗ ଜଙ୍ଗଲ ନିକଟରେ ଅସ୍ତ୍ରଶସ୍ତ୍ର, ଗୁଳି ଏବଂ ଅନ୍ୟାନ୍ୟ ଆପତ୍ତିଜନକ ଜିନିଷ ସହିତ 7 ନକ୍ସଲଙ୍କୁ ଗିରଫ କରିଥିଲା ।
ପଚରାଉଚରାବେଳେ ନକ୍ସଲୀ ଜିତାରାଇ ମୁଣ୍ଡା କହିଛି ଯେ ସେ ଦଳର ସବ୍ ଜୋନାଲ କମାଣ୍ଡର ପଦବୀର ଜଣେ ନକ୍ସଲ । ସେ କୁଖ୍ୟାତ ନକ୍ସଲାଇଟ୍ ଅମିତ ମୁଣ୍ଡା, ମହାରାଜ ପ୍ରେମାନିକ, ବୋଡେୟା ପହହାନ ସ୍କ୍ବାଡର ଜଣେ ସକ୍ରିୟ ସଦସ୍ୟ । ଜେଟରାଇ ମୁଣ୍ଡା ଉପରେ ବିଭିନ୍ନ ଥାନାର ଅଞ୍ଚଳରେ 28 ରୁ ଅଧିକ ମାମଲା ରୁଜୁୁ ହୋଇଛି । ଗିରଫ ନକ୍ସଲମାନେ କହିଛନ୍ତି ଯେ ସୁରକ୍ଷା ବାହିନୀକୁ କ୍ଷତି ପହଞ୍ଚାଇବା ଉଦ୍ଦେଶ୍ୟରେ ଝାଡଖଣ୍ଡର ବିଭିନ୍ନ ଜିଲ୍ଲାରେ ଅନେକ ଆଇଇଡି (IED) ବୋମା ଖଞ୍ଜାଯାଇଛି । ସେମାନଙ୍କ କହିବା ଅନୁସାରେ ପୋଲିସ ରାଞ୍ଚି, ସରାଇକେଲା ଏବଂ ଚୌବାସା ଜିଲ୍ଲାର ପୋଲିସର ସହଯୋଗରେ ବହୁ ପରିମାଣର ବେଆଇନ ଅସ୍ତ୍ରଶସ୍ତ୍ର, ଗୁଳି, ଆଇଡି ଏବଂ ଅନ୍ୟାନ୍ୟ ଜିନିଷ ଜବତ କରିଛି ।
ନିର୍ବାଚନ ସମୟରେ ଏହି ଦଳ ପୋଲିସ ଟିମକୁ କ୍ଷତି ପହଞ୍ଚାଇଥିଲା । ସରାଇକେଲା ଜିଲ୍ଲାର କୁକଡୁ ହଟ୍ ର ବାଦାନି ଗ୍ରାମରେ ପୋଲିସ୍ କନଷ୍ଟେବଳ ଆଶିଷ ପୁର୍ଟିଙ୍କ ହତ୍ୟା ସମେତ ଅନେକ ହତ୍ୟା, ଆଦାୟ ସଂଗ୍ରହ, ଅଗ୍ନିକାଣ୍ଡ ସମେତ ପାଞ୍ଚ ଜଣ ପୋଲିସ କର୍ମଚାରୀଙ୍କୁ ହତ୍ୟା କରିଥିଲେ । ସେପଟେ ଗିରଫ ମାଓବାଦୀଙ୍କଠାରୁ ବହୁପରିମାଣରେ ଜୀବନ୍ତ ଗୁଳି, ରାଇଫଲ 12 ବୋର-1, ଦେଶି ବନ୍ଧୁକ, ଗୁଳି 47-30, ଜିପିଏସ-1, 2ଟି ସୁତରୀ ବୋମା ଭଳି ବହୁ ମାଓ ସାମଗ୍ରୀ ଜବତ କରିଛି ପୋଲିସ । ନକ୍ସଲମାନଙ୍କ ଗିରଫକୁ ଖୁଣ୍ଟି ଏସପି ଆଶୁତୋଷ ଶେଖର ଏହା ଏକ ବଡ଼ ସଫଳତା ବୋଲି ବିବେଚନା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
