ନୂଆଦିଲ୍ଲୀ: ପଶ୍ଚିମବଙ୍ଗ ନିର୍ବାଚନ ପାଇଁ ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଛଅଟି ଜନସଭା କରିବେ । ଏନେଇ ଗୃହମନ୍ତ୍ରୀ ଟ୍ବିଟ କରି ସୂଚନା ଦେଇଛନ୍ତି । ଛଅଟି ଜନସଭା ମଧ୍ୟରୁ ତିନୋଟି ରୋଡ ଶୋ କାର୍ଯ୍ୟକ୍ରମ ରହିଛି ।
ପ୍ରଥମେ ସମୟ 12ଟା 20ରେ ଶାନ୍ତିପୁରରେ ଏକ ରୋଡ ଶୋ ହେବ । ଏହା ସମାପ୍ତ ହେଲା ପରେ ସମୟ 1ଟା 30ରେ ରଙ୍ଗଘାଟ ଦକ୍ଷିଣରୁ ଅନ୍ୟ ଏକ ରୋଡ ଶୋ ବାହାରିବ । ଏହା ପରେ ବାସିରହାଟ ଦକ୍ଷିଣରେ ଏକ ଜନସଭାକୁ ସମ୍ବୋଧନ କରିବେ ଶାହା । ଏହା ପରେ 4ଟା 25ରେ ପାନିହାତୀରୁ ଏକ ରୋଡ ଶୋ ହେବ ।
ଶେଷ ଦୁଇ ଜନସଭା ଟାଉନ ହଲରେ ଅନୁଷ୍ଠିତ ହେବ । ପ୍ରଥମଟି ସମୟ 5ଟା 30ରେ କାମାରହାତୀରେ ଓ ଶେଷଟି ସମୟ 7ଟାରେ ରାଜରହାଟ ଗୋପାଳପୁରରେ ଆୟୋଜିତ ହେବ । ପଶ୍ଚିମବଙ୍ଗରେ ସମୁଦାୟ ଆଠଟି ପର୍ଯ୍ୟାୟରେ ମତଦାନ ଦେବ । ଏପ୍ରିଲ 17ରେ 45 ଆସନ ପାଇ ପଞ୍ଚମ ପର୍ଯ୍ୟାୟ ଭୋଟ ଗ୍ରହଣ ହେବ । ଏହା ପରେ ଏପ୍ରିଲ 22ରେ ଷଷ୍ଠ ପର୍ଯ୍ୟାୟ, ଏପ୍ରିଲ 26 ରେ ସପ୍ତମ ପର୍ଯ୍ୟାୟ ଓ ଏପ୍ରିଲ 29ରେ ଶେଷ ପର୍ଯ୍ୟାୟ ମତଦାନ ଅନୁଷ୍ଠିତ ହେବ । ମେ 2ରେ ନିର୍ବାଚନ ଫଳାଫଳ ପ୍ରକାଶ ପାଇବ ।
@ANI
