ରାୟପୁର: ବିଜୟାଦଶମୀରେ ବଡ ଅଘଟଣ । ପଡୋଶୀ ଛତିଶଗଡ ଦୁର୍ଗା ମୂର୍ତ୍ତି ବିସର୍ଜନ ସମୟରେ ଲୋକଙ୍କ ଉପରେ ଚଢିଗଲା ଦ୍ରୁତ କାର । ଘଟଣାରେ 4 ଜଣଙ୍କ ମୃତ୍ୟୁ ହୋଇଥିବାବେଳେ 20 ଆହତ ହୋଇଛନ୍ତି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି ।
ଦୁର୍ଗା ବିସର୍ଜନ ବେଳେ ଚଢିଗଲା କାର୍; 4 ମୃତ, 20 ଆହତ
ଦୁର୍ଘଟଣା ଘଟାଇଥିବା କାର୍କୁ ଉତ୍ୟକ୍ତ ଲୋକେ ନିଆଁ ଲଗାଇ ଜାଳି ଦେଇଛନ୍ତି । ପୋଲିସ ଓ ପ୍ରଶାସନ ଘଟଣାସ୍ଥଳରେ ପହଁଞ୍ଚି ପରିସ୍ଥିତି ନିୟନ୍ତ୍ରଣ କରିବାକୁ ପ୍ରୟାସ କରୁଛନ୍ତି । ଛତିଶଗଡ ଯଶପୁର ଜିଲ୍ଲା ପଥର ଗାଁରେ ଘଟିଛି ଏହି ଛାତିଥରା ଦୁର୍ଘଟଣା ।
ଛତିଶଗଡର ଯଶପୁରରେ 100ରୁ 150 ଲୋକେ ଦୁର୍ଗା ବିସର୍ଜନ ପାଇଁ ଯାଉଥିଲେ। ସେଠାରେ ଏକ ଉତ୍ସବର ପରିବେଶ ଥିଲା । ଅଚାନକ ପଛରୁ ଏକ ଲାଲ ରଙ୍ଗର କାର ଦ୍ରୁତ ଗତିରେ ମାଡିଆସି ଲୋକଙ୍କ ଭିଡ ଉପରେ ଚଢିଯାଇଥିଲା । ଲୋକଙ୍କ ଭିଡ ଦେଖିବା ପରେ କାର ଡ୍ରାଇଭର କାହିଁକି କାରକୁ ଅଟକାଇଲା ନାହିଁ ଏନେଇ ପ୍ରଶ୍ନ ଉଠିଛି । ତେବେ ଗାଡିରେ ମାଦକଦ୍ରବ୍ୟ ରହିଥିବା ସୂଚନା ମିଳିଛି ।
