ଲକ୍ଷ୍ନୌ:ବାଂଲାଦେଶରୁ ବାରଣାସୀ ଆସୁଥିବା କାରରୁ 3ଟି ସୁନା ଇଟା ଜବତ ହୋଇଛି । ଜବତ ସୁନାର ଆନୁମାନିକ ମୂଲ୍ୟ 1.31କୋଟି ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ସୂଚନାଅନୁସାରେ, ବାରଣାସୀ ଇଣ୍ଟେଲିଜେନ୍ସକୁ ପୂର୍ବରୁ ବିଦେଶରୁ ସୁନା ଚାଲାଣ ହେଉଥିବା ଖବର ମିଳିଥିଲା । ଖବର ପାଇ ପୋଲିସ ତୁରନ୍ତ କାର୍ଯ୍ୟନୁଷ୍ଠାନ ଗ୍ରହଣ କରିଥିଲା । ବାରଣାସୀର ରାଜଘାଟରୁ ଏକ ମହିନ୍ଦ୍ରା ଏୟୁବି କାରରୁ ତିନୋଟି ବିଦେଶୀ ସୁନା ଇଟା ଜବତ କରିଛି ୟୁପି ପୋଲିସ । ଇଟା ସୁନାଗୁଡିକ କାରର ସିଟ୍ ତଳେ ଗୁପ୍ତ ଭାବରେ ଲୁଚାଯାଇଥିଲା । ଯାହାର ବଜାରରେ ମୂଲ୍ୟ 1.31କୋଟି ହେବ ।
ଘଟଣାରେ ପୋଲିସ ଦୁଇଜଣଙ୍କୁ ଗିରଫ କରି ମଙ୍ଗଳବାର ସେମାନଙ୍କୁ କୋର୍ଟ ଚାଲାଣ କରିଛି । ଗିରଫ ଦୁଇଜଣ ବାରଣାସୀର ବାସିନ୍ଦା ବୋଲି ଜଣାପଡିଛି । ଘଟଣାରେ ପୋଲିସ ଅଧିକ ତଦନ୍ତ ଜାରି ରଖିଛି ।
@IANS
