ବଲାଙ୍ଗୀର: ତୁଷୁରା ଥାନାରେ ପୋଲିସକୁ ଆକ୍ରମଣ କଲେ ଲୋକ । ପୋଲିସର ଲାଠି ଚାର୍ଜ । ବ୍ୟାପକ ପୋଲିସ ମୁତୟନ । ଉତ୍ତେଜନା ଜାରି । ବଲାଙ୍ଗୀର ତୁଷୁରା ଥାନାରେ ଏଭଳି ଘଟଣା ଘଟିଛି । ଯେଉଁଥିରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷକୁ ନେଇ ଉପୁଜିଥିବା ବିବାଦରେ ଲୋକେ ପୋଲିସକୁ ଆକ୍ରମଣ କରିଛନ୍ତି । ସେପଟେ ପୋଲିସ୍ ଆକ୍ରମଣକାରୀଙ୍କ ଉପରେ ଲାଠି ଚାର୍ଜ କରିଛି । ଶାନ୍ତି ପ୍ରତିଷ୍ଠା ପାଇଁ ଅଞ୍ଚଳରେ ବ୍ୟାପକ ପୋଲିସ ମୁତୟନ । ଗୋଟିଏ ଗୋଷ୍ଠୀ ଅଟକ ଥିବା ଅଭିଯୁକ୍ତକୁ ଛଡାଇ ନେବା ଉଦ୍ୟମ ପରେ ଏଭଳି ପରିସ୍ଥିତି ଉପୁଜି ଥିଲା ।
ପୋଲିସ କାର୍ଯ୍ୟାନୁଷ୍ଠାନ କରିନଥିବା ଅଭିଯୋଗ:
ତାତିଲେ ଲୋକେ:
ଏହି ଘଟଣାରେ ପୋଲିସ ପାଖରେ ଅଭିଯୋଗ ହୋଇଥିବା ସତ୍ତ୍ୱେ ପୋଲିସ୍ ଚୁପ ବସିଥିବାକୁ ନେଇ ତାତିଥିଲେ ଲୋକେ । ଏହି ଗୋଦାମ ପଡ଼ାର କିଛି ଯୁବକ ମହିଳା ଥାନାକୁ ଆସି ପୋଲିସକୁ ଆକ୍ରମଣ ଉଦ୍ୟମ କରିଥିଲେ । ଅନ୍ୟପଟେ ପୋଲିସ ମଧ୍ୟ ଯୁବକ ମାନଙ୍କ ଉପରେ ଲାଠି ଚାର୍ଜ କରିଥିଲା । ସେପଟେ ପରବର୍ତ୍ତୀ ସମୟରେ ବରିଷ୍ଠ ପୋଲିସ ଅଧିକାରୀ ଘଟଣା ସ୍ଥଳରେ ପହଞ୍ଚି ଥିବା ବେଳେ ସହରରେ ବ୍ୟାପକ ପୋଲିସ ମୁତୟନ କରାଯାଇଛି । ଏହିପରି ସହରରେ ଏବେ ମଧ୍ୟ ଚାପା ଉତ୍ତେଜନା ଥିବା ବେଳେ ଲୋକେ ଥାନାକୁ ଘେରାଉ କରିଛନ୍ତି ।
ଏହା ମଧ୍ୟ ପଢନ୍ତୁ: ଫିଲ୍ମ ଷ୍ଟାଇଲରେ କାର୍ ଚୋରି, ଦୁଇ ଭାଇ ଗିରଫ ଆକ୍ସନ ମୋଡରେ ସମ୍ବଲପୁର ପୋଲିସ, ଦୁର୍ଦ୍ଦାନ୍ତ ଅପରାଧୀ ସଞ୍ଜୀବକୁ ଏନକାଉଣ୍ଟର |
ସହରରେ ବ୍ୟାପକ ପୋଲିସ ମୁତୟନ:
ତେବେ ବଲାଙ୍ଗୀର ଏସଡିପି ଓ ପ୍ରଦୀପ ସାହୁ କହିଛନ୍ତି, ‘କିଛି ଦିନ ପୂର୍ବରୁ ପୂର୍ବ ଶତ୍ରୁତା କାରଣରୁ ଜଣେ ଯୁବକକୁ ଆକ୍ରମଣ ହୋଇଥିଲା । ଯାହାର ରିପୋର୍ଟ ପାଇବା ପରେ ତଦନ୍ତ କରି ଜଣକୁ ଅଟକ ରଖିଥିଲା । ହେଲେ ଅନ୍ୟ ଗୋଷ୍ଠୀ ଥାନାକୁ ଆସି ପୋଲିସକୁ ଆକ୍ରମଣ କରି ଥିଲେ । ଯାହାକୁ ନେଇ ପୋଲିସ୍ ଆନ୍ଦୋଳନକାରୀଙ୍କ ସହ ଆଲୋଚନା କରିଥିବା ବେଳେ ଶାନ୍ତି ପ୍ରତିଷ୍ଠା ପାଇଁ ସହରରେ ବ୍ୟାପକ ପୋଲିସ ମୁତୟନ କରାଯାଇଛି । ସେହିପରି ଆକ୍ରମଣ କରିଥିବା ଅଭିଯୁକ୍ତ ମାନଙ୍କୁ ଧରିବା ପାଇଁ ପୋଲିସ୍ ତନାଘନା ଜାରି ରଖିଛି । ସମାନ ଭାବରେ ଏବେ ସ୍ଥିତି ନିୟନ୍ତ୍ରଣାଧୀନ ରହିଛି । ’
ଇଟିଭି ଭାରତ, ବଲାଙ୍ଗୀର
