गोंदिया : आईसह पत्नीची निर्घृण हत्या करणाऱ्यास छत्तीसगडमधून अटक; आमगाव पोलिसांची कारवाई

आरोपी २४ ऑक्टोबरला रात्रीला 11 वाजताच्या सुमारास मृत दोघींच्या डोक्यात लोखंडी हत्याराने वार करून घटनास्थळावरून पसार झाला होता. सकाळी हत्येची माहिती मिळताच पोलिसांनी घटनास्थळाचा पंचनामा करून आरोपीचा शोध सुरु केला होता. राजेश हा छत्तीसगड राज्यातील महासमुंद येथे आपल्या नातेवाईकांकडे असल्याची माहिती मिळताच आमगाव पोलिसांच्या एका चमूने महासमुंद येथे जाऊन आरोपीला अटक केली.

गोंदिया - २४ ऑक्टोबरला रात्री आई आणि पत्नीची निर्घृण हत्या करून पसार झालेल्या आरोपीला ७ नोव्हेंबरला छत्तीसगड राज्यातील महासमुंद येथून अटक केली आहे. आमगाव पोलिसांनी ही कारवाई केली आहे. राजेश शालीकराम गजभिये (वय 40) असे आरोपीचे तर, आई आनंदाबाई शालीकराम गजभिये (वय 60) व पत्नी पूनम राजेश गजभिये (वय 32) अशी मृतांची नावे आहेत.

आरोपी २४ ऑक्टोबरला रात्रीला 11 वाजताच्या सुमारास मृत दोघींच्या डोक्यात लोखंडी हत्याराने वार करून घटनास्थळावरून पसार झाला होता. सकाळी हत्येची माहिती मिळताच पोलिसांनी घटनास्थळाचा पंचनामा करून आरोपीचा शोध सुरु केला होता. आरोपीची दुचाकी आणि हेल्मेट मध्यप्रदेश येथील किरणापूर पोलीस ठाण्याअंतर्गत येणाऱ्या बोरगाव येथे सापडली होती. पोलीसांनी न थांबता आरोपीचा शोध सुरू ठेवला.

हेही वाचा - लातुरात कीर्तनकाराचा खून की अपघात? खडगाव परिसरात खळबळ

दरम्यान, राजेश हा छत्तीसगड राज्यातील महासमुंद येथे आपल्या नातेवाईकाकडे असल्याची माहिती मिळताच आमगाव पोलिसांच्या एका चमूने महासमुंद येथे जाऊन आरोपीला अटक केली. आरोपीला न्यायालयात हजर केले असता न्यायलयाने आरोपीला ११ नोव्हेंबर पर्यंत पोलीस कोठडी सुनावली आहे. याप्रकरणी अधिक तपास आमगाव पोलीस करत आहेत.