ಹೈದರಾಬಾದ್: 10 Incredibly Useful Websites : ಇಂದಿನ ಕಾಲದಲ್ಲಿ ಮಾಹಿತಿಯೇ ಸಂಪತ್ತು (Information is Wealth). ಅದಕ್ಕಾಗಿಯೇ ನಾವು ನಮಗೆ ಬೇಕಾದ ಸರಿಯಾದ ಮಾಹಿತಿಗಾಗಿ ಇಂಟರ್ನೆಟ್‌ನಲ್ಲಿ ಹುಡುಕುತ್ತೇವೆ. ಆದರೆ ಕೆಲವೊಮ್ಮೆ ಎಷ್ಟೇ ಹುಡುಕಿದರೂ ನಮಗೆ ಬೇಕಾದ ಸರಿಯಾದ ಮಾಹಿತಿ ಸಿಗದೇ ಹೋಗಬಹುದು. ಅದಕ್ಕಾಗಿಯೇ ಈ ಲೇಖನದಲ್ಲಿ ಸರಿಯಾದ ಮಾಹಿತಿಯನ್ನು ಒದಗಿಸುವ ಟಾಪ್-10 ವೆಬ್‌ಸೈಟ್‌ಗಳ ಬಗ್ಗೆ ತಿಳಿಸಲು ಪ್ರಯತ್ನಿಸಿದ್ದೇವೆ.
1. Honey: ಹನಿ ಎಂಬುದು ಪೇಪಾಲ್ ಒಡೆತನದ ವೆಬ್‌ಸೈಟ್. ಇದು ಎಲ್ಲ ರೀತಿಯ ಕೂಪನ್ ಕೋಡ್‌ಗಳು ಮತ್ತು ರಿಯಾಯಿತಿಗಳನ್ನು ಒಳಗೊಂಡಿದೆ. ಹಾಗಾಗಿ ಶಾಪಿಂಗ್ ಪ್ರಿಯರಿಗೆ ಇದು ತುಂಬಾ ಉಪಯುಕ್ತವಾಗಿದೆ. ಈ ಹನಿ ಸೈಟ್‌ನಲ್ಲಿ ಕೂಪನ್ ಕೋಡ್‌ಗಳನ್ನು ಬಳಸುವ ಮೂಲಕ ನಿಮಗೆ ಬೇಕಾದುದನ್ನು ಉತ್ತಮ ರಿಯಾಯಿತಿಯಲ್ಲಿ ನೀವು ಖರೀದಿಸಬಹುದು.
2. Have I Been Pwned?: ಇಂದು, ಗುರುತಿನ ಕಳ್ಳತನ ಮತ್ತು ಡಿಜಿಟಲ್ ಡೇಟಾ ಸೋರಿಕೆಗಳು ಆಘಾತಕಾರಿ ಪ್ರಮಾಣದಲ್ಲಿ ಹೆಚ್ಚಳ ಕಾಣುತ್ತಿವೆ. ನಿಮ್ಮ ವೈಯಕ್ತಿಕ ಮಾಹಿತಿ ಅಥವಾ ಡೇಟಾ ಸೋರಿಕೆಯಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ನೀವು ತಿಳಿದುಕೊಳ್ಳಲು ಬಯಸಿದರೆ ಈ ಹ್ಯಾವ್ ಐ ಬೀನ್ ಪನ್ಡ್ ವೆಬ್‌ಸೈಟ್ ತುಂಬಾ ಉಪಯುಕ್ತವಾಗಿದೆ.
3. WeTransfer: ನಾವು ಕುಟುಂಬದ ಫೋಟೋಗಳು ಮತ್ತು ವಿಡಿಯೋಗಳನ್ನು ನಮ್ಮ ಸಂಬಂಧಿಕರು ಅಥವಾ ಸ್ನೇಹಿತರಿಗೆ ಆನ್‌ಲೈನ್‌ನಲ್ಲಿ ಕಳುಹಿಸಬೇಕು. ಆದರೆ, ಅವು ಗಾತ್ರದಲ್ಲಿ ಬಹಳ ದೊಡ್ಡದಾಗಿರುತ್ತದೆ. ಅಂತಹ ಸಂದರ್ಭಗಳಲ್ಲಿ VeTransfer ಸೂಕ್ತವಾಗಿದೆ. ನಿಮ್ಮ ಎಲ್ಲಾ ಫೈಲ್‌ಗಳನ್ನು ಕಳುಹಿಸಲು ಈ ವೆಬ್‌ಸೈಟ್ ಡೌನ್‌ಲೋಡ್ ಲಿಂಕ್ ಅನ್ನು ರಚಿಸುತ್ತದೆ. ಅದನ್ನು ನಿಮ್ಮ ಸಂಬಂಧಿಕರು ಮತ್ತು ಸ್ನೇಹಿತರಿಗೆ ಕಳುಹಿಸಬಹುದಾಗಿದೆ.
4. Adobe Acrobat PDF Filler: PDF ಫೈಲ್ ಅನ್ನು ಎಡಿಟ್ ಮಾಡಬೇಕಾದರೆ ನೀವು ಪ್ರೊ ಆವೃತ್ತಿಯನ್ನು ಪಡೆಯಬೇಕು. ಆದರೆ, ನೀವು ಅಡೋಬ್ ಅಕ್ರೋಬ್ಯಾಟ್ ಪಿಡಿಎಫ್ ಫಿಲ್ಲರ್ ಅನ್ನು ಆನ್‌ಲೈನ್‌ನಲ್ಲಿ ಉಚಿತವಾಗಿ ಬಳಸಬಹುದು. ಇದಕ್ಕಾಗಿ ನೀವು ಉಚಿತ ಅಡೋಬ್ ಖಾತೆಯನ್ನು ರಚಿಸಬೇಕಾಗಿದೆ. ಈ ಖಾತೆಯನ್ನು ರಚಿಸಿದ ನಂತರ ನೀವು Adobe PDF ಅನ್ನು ಉಚಿತವಾಗಿ ಎಡಿಟ್ ಮಾಡಬಹುದಾಗಿದೆ. ಸಹಿ ಸಹ ಮಾಡಬಹುದು. ತಮ್ಮ ಕಾರ್ಯ ಸಂಪನ್ನಾದ ಬಳಿಕ ಉಚಿತವಾಗಿ ಡೌನ್‌ಲೋಡ್ ಮಾಡಿಕೊಳ್ಳಬಹುದು.
5. Project Gutenberg: ಪ್ರಾಜೆಕ್ಟ್ ಗುಟೆನ್‌ಬರ್ಗ್ ಅನ್ನು 1971 ರಲ್ಲಿ ಸ್ವಯಂಸೇವಕರ ಗುಂಪಿನಿಂದ ರಚಿಸಲಾಯಿತು. ಇದು ಡಿಜಿಟಲ್ ರೂಪದಲ್ಲಿ ಪುಸ್ತಕಗಳು ಮತ್ತು ಸಂಗೀತ ಆಲ್ಬಂಗಳನ್ನು ಒಳಗೊಂಡಿದೆ. ನೀವು ಅದರಲ್ಲಿ ಪ್ರಸಿದ್ಧ ಸಾಹಿತ್ಯ ಕೃತಿಗಳನ್ನು ಉಚಿತವಾಗಿ ಓದಬಹುದಾಗಿದೆ.
6. The Internet Archive: ಇಂಟರ್ನೆಟ್ ಆರ್ಕೈವ್ ದೊಡ್ಡ ಪ್ರಮಾಣದ ಪುಸ್ತಕಗಳು, ಚಲನಚಿತ್ರಗಳು, ಸಂಗೀತ, ವೆಬ್ ಪುಟಗಳು ಮತ್ತು ಸಾಫ್ಟ್‌ವೇರ್ ಪ್ರೋಗ್ರಾಂಗಳನ್ನು ಒಳಗೊಂಡಿದೆ. ಇವೆಲ್ಲವನ್ನೂ ಸಂಪೂರ್ಣವಾಗಿ ಉಚಿತವಾಗಿ ಪಡೆಯಬಹುದಾಗಿದೆ.
7. Grammarly: ವರ್ಕ್ ಡಾಕ್ಯುಮೆಂಟ್ ಕ್ರಿಯೆಟ್ ಮಾಡುವಾಗ, ಇಮೇಲ್ಗಳನ್ನು ಬರೆಯುವಾಗ ಸೇರಿದಂತೆ ಕೆಲವೊಂದು ಸಂದರ್ಭಗಳಲ್ಲಿ ನಾವು ಹಲವು ಮುದ್ರಣದೋಷಗಳು ಮತ್ತು ವ್ಯಾಕರಣ ದೋಷಗಳು ಮಾಡುತ್ತೇವೆ. ಇವುಗಳನ್ನು ಸರಿಪಡಿಸಲು Grammarly ಉತ್ತಮ ಉಪಯುಕ್ತವಾಗಿದೆ. ಇದು ಗ್ರಾಮರ್ಲಿ AI ಏಕೀಕರಣದೊಂದಿಗೆ ಕಾರ್ಯನಿರ್ವಹಿಸುತ್ತದೆ. ನೀವು ಅದನ್ನು ಉಚಿತವಾಗಿ ಬಳಸಬಹುದು. ನೀವು ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಬಯಸಿದರೆ, ನೀವು ಹಣವನ್ನು ಪಾವತಿಸಬೇಕಾಗುತ್ತದೆ.
8. Family Search: ಇದು ಒಂದು ಡೇಟಾಬೇಸ್ ಆಗಿದೆ. ಇದು ಜೀಸಸ್ ಕ್ರೈಸ್ತದಿಂದ ಇಂದಿನ ಸಂತತಿವರೆಗಿನ ಪ್ರತಿಯೊಬ್ಬರ ಬಗ್ಗೆ ಮಾಹಿತಿ ನೀಡುತ್ತದೆ. ಅಂದರೆ, ಇದು ಅತ್ಯಂತ ಸಮಗ್ರವಾದ ವಂಶಾವಳಿಯನ್ನು ಒದಗಿಸುತ್ತದೆ. ಆದ್ದರಿಂದ ಇದನ್ನು ಬಳಸಿಕೊಂಡು ಮೂಲದಿಂದ ವಲಸೆಯವರೆಗಿನ ಎಲ್ಲಾ ರೀತಿಯ ಕುಟುಂಬದ ದಾಖಲೆಗಳನ್ನು ಉಚಿತವಾಗಿ ನೋಡಬಹುದು.
9. Doodle: ಇದೊಂದು ಉಚಿತ ವೆಬ್ ಅಪ್ಲಿಕೇಶನ್ ಆಗಿದೆ. ಇದರ ಮೂಲಕ ಮಿಟಿಂಗ್ಗಳು ಮಾಡಬಹುದು. ಸ್ನೇಹಿತರೊಂದಿಗೆ ಭೇಟಿಯಾಗಬಹುದು. ಇತರ ಗುಂಪು ಚಟುವಟಿಕೆಗಳನ್ನು ನಿಗದಿಪಡಿಸಬಹುದು. ಇದಲ್ಲದೇ ನೀವು ಡೂಡಲ್ ಪೋಲ್ ಅನ್ನು ಹಾಕಬಹುದು. ಇದರ ಮೂಲಕ ಎಲ್ಲರಿಗೂ ಅನುಕೂಲಕರ ಸಮಯದಲ್ಲಿ ಸಭೆಗಳನ್ನು ನಡೆಸಬಹುದು.
10. Canva: ಯಾವುದೇ ಗ್ರಾಫಿಕ್ ಡಿಸೈನಿಂಗ್ ಕೌಶಲ್ಯವಿಲ್ಲದವರು ಸಹ ಬೆರಗುಗೊಳಿಸುವಂತಹ ಗ್ರಾಫಿಕ್ಸ್, ರೆಸ್ಯೂಮ್‌ಗಳು ಮತ್ತು ಎಲ್ಲಾ ರೀತಿಯ ದಾಖಲೆಗಳನ್ನು ರಚಿಸಲು ಕ್ಯಾನ್ವಾವನ್ನು ಬಳಸಬಹುದು. ಆದರೂ ಸಾಮಾಜಿಕ ಮಾಧ್ಯಮದ ಪ್ರಭಾವಿಗಳಿಗೆ ಇದು ವರದಾನ ಎಂದು ಹೇಳಬಹುದು. ಇದು ಫೋಟೋಗಳು, ವಿಡಿಯೋಗಳನ್ನು ಒಳಗೊಂಡಂತೆ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ವಿಶೇಷ ಎಂದರೆ ಇದು ಉಚಿತ ಆವೃತ್ತಿಯನ್ನು ಸಹ ಹೊಂದಿದೆ. ಹೆಚ್ಚುವರಿ ವೈಶಿಷ್ಟ್ಯಗಳಿಗೆ ಹಣ ಪಾವತಿಸಬೇಕಾಗುತ್ತದೆ.
