ಚಾಮರಾಜನಗರ/ವಯನಾಡ್ : ವಯನಾಡು ದುರಂತದಲ್ಲಿ ಮನುಷ್ಯರಷ್ಟೇ ಅಲ್ಲದೇ ಪ್ರಾಣಿಗಳು ಕೂಡ ಪವಾಡ ಸದೃಶ ರೀತಿಯಲ್ಲಿ ಪಾರಾಗಿದ್ದು, 5 ಹಸುಗಳು ಮತ್ತೆ ತನ್ನ ಒಡೆಯನ ಬಳಿ ಸೇರಿದ ಘಟನೆ ಕೇರಳದ ಚೂರಲ್ ಮಲೆ ಟೀ ಎಸ್ಟೇಟ್ನಲ್ಲಿ ನಡೆದಿದೆ.
ಚಾಮರಾಜನಗರ ಮೂಲದ ವಿನೋದ್ ಎಂಬವರು ಹಸುವಿನ ಚೀರಾಟದಿಂದಲೇ ಎಚ್ಚರಗೊಂಡು ಬಚಾವಾಗಿದ್ದರು. ದುರಂತ ನಡೆದ ರಾತ್ರಿ ಕೊಟ್ಟಿಗೆಯಲ್ಲಿ ಕಟ್ಟಿ ಹಾಕಿದ್ದ ದನಗಳ ಹಗ್ಗ ಬಿಚ್ಚಿ ಬಳಿಕ ತಾವು ಬೆಟ್ಟ ಏರಿ ಪಾರಾಗಿದ್ದರು.
ಅದಾದ ನಂತರ, ಇಂದು ಟೀ ಎಸ್ಟೇಟ್ ಒಂದರಲ್ಲಿ ತಮ್ಮ 5 ಹಸುಗಳು ಇರುವುದು ಗೊತ್ತಾಗಿ 5 ಹಸುಗಳನ್ನು ಕಾಳಜಿ ಕೇಂದ್ರದತ್ತಲೇ ಕರೆತಂದಿದ್ದಾರೆ.
ಒಟ್ಟಿನಲ್ಲಿ ಮಳೆಯಲ್ಲಿ ಕೊಚ್ಚಿ ಹೋಗಿ ನಾಪತ್ತೆಯಾಗಿದ್ದ ಹಸುಗಳು ಪವಾಡದ ರೀತಿಯಲ್ಲಿ ಪಾರಾಗಿ ತಮ್ಮ ಜೀವ ಉಳಿಸಿಕೊಂಡಿವೆ.
ಇದನ್ನೂ ಓದಿ : ವಯನಾಡ್ಗೆ ಭೇಟಿ ನೀಡಿದ ಪ್ರಧಾನಿ, ವೈಮಾನಿಕ ಸಮೀಕ್ಷೆ; ಸಂತ್ರಸ್ತರಿಗೆ ಮೋದಿ ಸಾಂತ್ವನ - PM Modi visiti Wayanad
