ಬಿಜಾಪುರ: ಛತ್ತೀಸ್ಗಢದ ಬಿಜಾಪುರ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳು ಮತ್ತು ನಕ್ಸಲೀಯರ ನಡುವೆ ಗುಂಡಿನ ಚಕಮಕಿ ನಡೆದಿದೆ. ಬಸಗುಡ ಪೊಲೀಸ್ ಠಾಣಾ ವ್ಯಾಪ್ತಿಯ ಬಲಮೇಂದ್ರ ಬಳಿಯ ಬೆಳಮಗುಟ್ಟದ ಬೆಟ್ಟದಲ್ಲಿ ಯೋಧರು ಮತ್ತು ನಕ್ಸಲೀಯರ ನಡುವಣ ಕಾಳಗದಲ್ಲಿ ಮೂವರು ನಕ್ಸಲೀಯರು ಹತರಾಗಿದ್ದಾರೆ. ಭದ್ರತಾ ಪಡೆಗಳ ಎನ್ಕೌಂಟರ್ಗೆ ಬಲಿಯಾದವರಲ್ಲಿ ಇಬ್ಬರು ಮಹಿಳೆಯರು ಮತ್ತು ಒಬ್ಬ ಪುರುಷ ನಕ್ಸಲ್ ಇದ್ದಾನೆ ಎಂದು ತಿಳಿದು ಬಂದಿದೆ. ಉಳಿದ ನಕ್ಸಲೀಯರಿಗಾಗಿ ಗುಂಡಿನ ದಾಳಿ ನಡೆದ ಪ್ರದೇಶದಲ್ಲಿ ಶೋಧ ಕಾರ್ಯಾಚರಣೆ ಮುಂದುವರೆದಿದೆ.
ಎನ್ಕೌಂಟರ್ನಲ್ಲಿ 3 ನಕ್ಸಲೀಯರು ಬಲಿ: ಬಸಗೂಡ ಪೊಲೀಸ್ ಠಾಣೆಯ ಅರಣ್ಯದಲ್ಲಿ ಅನುದಾನಿತ ಪ್ರದೇಶ ಸಮಿತಿ ಡಿವಿಸಿಎಂ ವಿನೋದ್ ಕರ್ಮಾ, ಆವಪಲ್ಲಿ ಎಲ್.ಒ.ಎಸ್.ರಾಜು ಪುಣೆಂ, ಎ.ಎಂ.ವಿಶ್ವನಾಥ್, ಗುಡ್ಡು ತೇಲಂ ಸೇರಿ 20 ರಿಂದ 25 ಶಸ್ತ್ರಸಜ್ಜಿತ ನಕ್ಸಲೀಯರು ಈ ಪ್ರದೇಶದಲ್ಲಿ ಇರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿತ್ತು. ಈ ಮಾಹಿತಿ ಆಧಾರದ ಮೇಲೆ, DRG ಬಿಜಾಪುರ ಮತ್ತು ಕೋಬ್ರಾ 210 ನ ಜಂಟಿ ತಂಡವು ಮಾವೋವಾದಿಗಳ ವಿರುದ್ಧ ಕಾರ್ಯಾಚರಣೆ ಕೈಗೊಂಡಿತ್ತು. ಶೋಧ ಕಾರ್ಯಾಚರಣೆ ವೇಳೆ ಬೆಲ್ಲಂಗುಟ್ಟದ ಬೆಟ್ಟದಲ್ಲಿ ಬೆಳಗ್ಗೆ 07.30ಕ್ಕೆ ಪೊಲೀಸರು ಮತ್ತು ನಕ್ಸಲೀಯರ ನಡುವೆ ಗುಂಡಿನ ಚಕಮಕಿ ಆರಂಭವಾಗಿತ್ತು. ಈ ಸಂದರ್ಭದಲ್ಲಿ ನಕ್ಸಲರು ಗುಂಡಿನ ದಾಳಿ ಆರಂಭಿಸಿದ್ದರಿಂದ ಇದಕ್ಕೆ ಪ್ರತಿಯಾಗಿ ದಾಳಿ ಮಾಡಿದ ಕೋಬ್ರಾ ಜಂಟಿ ಪಡೆ, ಮೂವರು ನಕ್ಸಲೀಯರನ್ನು ಎನ್ಕೌಂಟರ್ ಮಾಡಿದ್ದಾರೆ. ಇದರಲ್ಲಿ ಇಬ್ಬರು ಮಹಿಳೆಯರು ಇದ್ದಾರೆ ಎಂದು ಜಂಟಿ ಕಾರ್ಯಪಡೆಯ ಅಧಿಕಾರಿಯೊಬ್ಬರು ಖಚಿತಪಡಿಸಿದ್ದಾರೆ.
ಶಸ್ತ್ರಾಸ್ತ್ರ ಸೇರಿ ಸ್ಫೋಟಕಗಳ ವಶ: ಘಟನಾ ಸ್ಥಳದಿಂದ ನಿಷೇಧಿತ ಮಾವೋವಾದಿ ಸಂಘಟನೆಯ ಶಸ್ತ್ರಾಸ್ತ್ರಗಳು, ಸ್ಫೋಟಕಗಳು ಮತ್ತು ಪ್ರಚಾರ ಸಾಮಗ್ರಿಗಳನ್ನು ನಕ್ಸಲ್ ವಿರೋಧಿ ಜಂಟಿ ಕಾರ್ಯಪಡೆ ಸೈನಿಕರು ವಶಕ್ಕೆ ಪಡೆದುಕೊಂಡಿದ್ದಾರೆ. ಮಾವೋವಾದಿಗಳ ಸಮವಸ್ತ್ರಗಳು, ಸ್ಟೂಜ್‌ಗಳು, ಔಷಧಗಳು ಮತ್ತು ದೈನಂದಿನ ಬಳಕೆಯ ವಸ್ತುಗಳನ್ನು ಸಹ ಇದೇ ವೇಳೆ ಕೋಬ್ರಾ ಕಾರ್ಯಪಡೆ ವಶಪಡಿಸಿಕೊಂಡಿದೆ.
ನಕ್ಸಲೀಯರ ವಿರುದ್ಧ ಆಪರೇಷನ್ ಸೂರ್ಯ ಶಕ್ತಿ: ಜನವರಿ 12 ರಿಂದ 16 ರವರೆಗೆ ಕಂಕೇರ್ ನಲ್ಲಿ ನಕ್ಸಲೀಯರ ವಿರುದ್ಧ ಸೈನಿಕರು ಆಪರೇಷನ್ ಸೂರ್ಯ ಶಕ್ತಿ ಕಾರ್ಯಾಚರಣೆ ಕೈಗೊಂಡಿದ್ದರು. ಈ ಕಾರ್ಯಾಚರಣೆ ಅಡಿ ಎಸ್‌ಟಿಎಫ್, ಡಿಆರ್‌ಜಿ, ನಾರಾಯಣಪುರ ಡಿಆರ್‌ಜಿ ಮತ್ತು ಬಿಎಸ್‌ಎಫ್ ಕಂಕೇರ್‌ನಲ್ಲಿ ನಕ್ಸಲೀಯರ ಗುಪ್ತಚರ ನೆಲೆಗಳನ್ನು ನಾಶಪಡಿಸಿತ್ತು.
ಈ ಅವಧಿಯಲ್ಲಿ ಸೈನಿಕರು ಮತ್ತು ನಕ್ಸಲೀಯರ ನಡುವೆ ಹಲವೆಡೆ ಎನ್‌ಕೌಂಟರ್‌ಗಳೂ ನಡೆದಿದ್ದವು. ನಾಲ್ವರು ನಕ್ಸಲೀಯರನ್ನು ಈ ಸಂದರ್ಭದಲ್ಲಿ ಬಂಧಿಸಲಾಗಿತ್ತು, ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ಇದೇ ವೇಳೆ ವಶಪಡಿಸಿಕೊಳ್ಳಲಾಗಿತ್ತು. ಈ ಕಾರ್ಯಾಚರಣೆ ಸಂದರ್ಭದಲ್ಲಿ ನಕ್ಸಲೀಯರ ಬ್ಯಾರೆಲ್ ಗ್ರೆನೇಡ್ ಲಾಂಚರ್ (ಬಿಜಿಎಲ್) ತಯಾರಿಸುವ ಕಾರ್ಖಾನೆಯನ್ನು ಸಹ ನಾಶ ಮಾಡಲಾಗಿತ್ತು.
