ಅತ್ತೆ ಮನೆಗೆ ಹೋಗಿ ಬರುತ್ತಿದ್ದ ವೇಳೆ ಎಸ್​ಐ ಮೇಲೆ ಯುವಕರಿಂದ ದಾಳಿ! ವಿಡಿಯೋ

ಅತ್ತೆ ಮನೆಗೆ ಹೋಗಿ ಬರುತ್ತಿದ್ದ ವೇಳೆ ಎಸ್​ಐ ಮೇಲೆ ಇಬ್ಬರು ಯುವಕರು ದಾಳಿ ಮಾಡಿರುವ ಘಟನೆ ಆಂಧ್ರಪ್ರದೇಶದ ವಿಜಯನಗರಂನ ಶಿವನ್ನ ಪೇಟ್​ದಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಖಡ್ಗವಲಸ ಬಳಿ ಚಂದ್ರಶೇಖರ್​ ಮತ್ತು ಸುಧಾಕರ್​ ಯುವಕರಿಬ್ಬರು ಬೈಕ್​ನಲ್ಲಿ ವೇಗವಾಗಿ ಚಲಿಸುತ್ತಿದ್ದರು. ಇದನ್ನು ನೋಡಿದ ಎಸ್​ಐ ಯುವಕರಿಬ್ಬರಿಗೆ ಬುದ್ಧಿ ಮಾತು ಹೇಳಿದ್ದಾರೆ. ಆದ್ರೆ ಯುವಕರು ಎಸ್​ಐ ವಿರುದ್ಧ ವಾಗ್ವಾದಕ್ಕೆ ಇಳಿದು ಹಲ್ಲೆ ನಡೆಸಿದ್ದಾರೆ. ಎಸ್​ಐ ಮೇಲೆ ಹಲ್ಲೆ ನಡೆಯುತ್ತಿದ್ದರೂ ಜನ ವಿಡಿಯೋ ಮಾಡುತ್ತಿರುವುದು ಅಲ್ಲಿನ ಪರಿಸ್ಥಿತಿಗೆ ಹಿಡಿದ ಕೈಗನ್ನಡಿಯಾಗಿದೆ. ಈಗಾಗಲೇ ಆರೋಪಿಗಳನ್ನು ಬಂಧಿಸಲಾಗಿದ್ದು, ಅವರ ಮೇಲೆ ಹಳೆಯ ಅಪರಾಧ ಚಟುವಟಿಕೆಗಳು ಇದ್ದಲ್ಲಿ ರೌಡಿಶೀಟರ್​ ಪಟ್ಟಿಗೆ ಸೇರಿಸಲಾಗುವುದು ಎಂದು ಇಲ್ಲಿನ ಪಾರ್ವತಿಪುರಂ ಸಿಐ ಲಕ್ಷಣ್​ರಾವ್​ ತಿಳಿಸಿದ್ದಾರೆ.