ಹೊಸ ಲ್ಯಾನ್ಸೆಟ್ ಕೋವಿಡ್-19 ಆಯೋಗದ ವರದಿಯ ಪ್ರಕಾರ, ಅನೇಕ ಹಂತಗಳಲ್ಲಿ ತಡೆಗಟ್ಟಬಹುದಾದ ಕೋವಿಡ್ ನಿರ್ವಹಿಸುವಲ್ಲಿ ಸರ್ಕಾರಗಳು ವಿಫಲವಾದವು. ಇದರಿಂದಾಗಿಯೇ ಲಕ್ಷಾಂತರ ಸಾವುಗಳು ಸಂಭವಿಸಿದವು ಎಂದು ವರದಿಯಲ್ಲಿ ಒತ್ತಿ ಹೇಳಲಾಗಿದೆ.
ಭೀಕರ ಕೋವಿಡ್ನಿಂದಾಗಿ ಅನೇಕ ದೇಶಗಳಲ್ಲಿ ಯುಎನ್ ಸುಸ್ಥಿರ ಅಭಿವೃದ್ಧಿ ಗುರಿಗೆ (SDGs) ಮಾಡಿದ ಪ್ರಯತ್ನಗಳೂ ಕೂಡಾ ವಿಫಲವಾಗಿವೆ. ತಡೆಗಟ್ಟುವಿಕೆ, ಪಾರದರ್ಶಕತೆ, ತರ್ಕಬದ್ಧತೆ, ಮೂಲಭೂತ ಸಾರ್ವಜನಿಕ ಆರೋಗ್ಯ ಮತ್ತು ಕಾರ್ಯಾಚರಣೆಯ ಸಹಕಾರ ಹಾಗೂ ಅಂತಾರಾಷ್ಟ್ರೀಯ ಒಗ್ಗಟ್ಟಿನ ಕೊರತೆ ಕೋವಿಡ್ ನಿರ್ವಹಣಾ ವೈಫಲ್ಯಗಳಿಗೆ ಪ್ರಮುಖ ಕಾರಣವಾಗಿವೆ. ಕೋವಿಡ್ ಮಹಾಮಾರಿಯಿಂದ ಅಂದಾಜು 17.7 ಮಿಲಿಯನ್ ಸಾವುಗಳು ಸಂಭವಿಸಿವೆ ಎಂದು ಲ್ಯಾನ್ಸೆಟ್ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಕೋವಿಡ್ ನಿರ್ವಹಣೆಗೆ ಹಲವು ಸರ್ಕಾರಗಳು ಸಿದ್ಧವಾಗಿರಲಿಲ್ಲ; ಕೆಲವು ದೇಶದ ಸರ್ಕಾರಗಳು ಈ ಸಂಕ್ರಾಮಿಕವನ್ನು ಎದುರಿಸಲು ಸಿದ್ಧವಾಗಿರಲಿಲ್ಲ. ಅಲ್ಲದೇ ದುರ್ಬಲ ವರ್ಗದ ಜನರಿಗೆ ತಕ್ಷಣಕ್ಕೆ ಸಹಾಯ ಮಾಡಲು ಸಾಧ್ಯವಾಗಲಿಲ್ಲ. ಹಾಗೆಯೇ ಅಂತಾರಾಷ್ಟ್ರೀಯ ಸಹಕಾರ ಮತ್ತು ಕೋವಿಡ್ ಬಗೆಗಿನ ತಪ್ಪು ಮಾಹಿತಿ ಈ ಸಾವುಗಳಿಗೆ ಕಾರಣವಾಯಿತು.
ಕೊರೊನಾ ಸಮಯದಲ್ಲಿನ ತುರ್ತು ಪರಿಸ್ಥಿತಿ ಕೊನೆಗೊಳಿಸಲು, ಭವಿಷ್ಯದಲ್ಲಿ ಆರೋಗ್ಯ ಸಂಬಂಧಿ ತೊಂದರೆಗಳನ್ನು ಕಡಿಮೆ ಮಾಡಲು, ದೀರ್ಘಕಾಲೀನ ಸುಸ್ಥಿರ ಅಭಿವೃದ್ಧಿಯನ್ನು ಸಾಧಿಸಲು ಸಹಾಯ ಮಾಡುವ ಶಿಫಾರಸುಗಳನ್ನು ರೂಪಿಸಲು ಆಯೋಗವು ಹೊಸ ಸಾಂಕ್ರಾಮಿಕ ರೋಗಶಾಸ್ತ್ರ ಮತ್ತು ಆರ್ಥಿಕ ವಿಶ್ಲೇಷಣೆಗಳನ್ನು ಬಳಸಿಕೊಂಡಿದೆ.
ಈ ಗುರಿಗಳನ್ನು ಸಾಧಿಸುವುದು ಬಲವರ್ಧಿತ ಬಹುಪಕ್ಷೀಯತೆಯ ಮೇಲೆ ಅವಲಂಬಿತವಾಗಿದೆ ಎಂದು ವರದಿ ಎಚ್ಚರಿಸಿದೆ. ಇದು ಸುಧಾರಿತ ಮತ್ತು ಬಲವರ್ಧಿತ ವಿಶ್ವ ಆರೋಗ್ಯ ಸಂಸ್ಥೆ (WHO), ಜೊತೆಗೆ ಹೂಡಿಕೆ ಮತ್ತು ರಾಷ್ಟ್ರೀಯ ಸಾಂಕ್ರಾಮಿಕ ಸನ್ನದ್ಧತೆ ಹಾಗೂ ಆರೋಗ್ಯ ವ್ಯವಸ್ಥೆ ಬಲಪಡಿಸುವ ಪರಿಷ್ಕೃತ ಯೋಜನೆಯಾಗಿದೆ. ದುರ್ಬಲ ಜನಸಂಖ್ಯೆಯ ಬಗ್ಗೆ ವಿಶೇಷ ಗಮನ ಹರಿಸಬೇಕು ಎಂಬ ಸಲಹೆಯನ್ನೂ ನೀಡಿದೆ.
ಇದನ್ನೂ ಓದಿ: ಕೋವಿಡ್ ಸೋಂಕಿತ ವಯೋವೃದ್ಧರಿಗೆ ಮರೆವಿನ ಕಾಯಿಲೆ ಸಾಧ್ಯತೆ: ಅಧ್ಯಯನ
ಸಾರ್ವಜನಿಕ ನೀತಿ, ಅಂತಾರಾಷ್ಟ್ರೀಯ ಆಡಳಿತ, ಸಾಂಕ್ರಾಮಿಕ ರೋಗಶಾಸ್ತ್ರ, ವ್ಯಾಕ್ಸಿನಾಲಜಿ, ಅರ್ಥಶಾಸ್ತ್ರ, ಅಂತಾರಾಷ್ಟ್ರೀಯ ಹಣಕಾಸು, ಸುಸ್ಥಿರತೆ ಮತ್ತು ಮಾನಸಿಕ ಆರೋಗ್ಯ ಹಾಗೂ 11 ಜಾಗತಿಕ ಕಾರ್ಯಗಳಿಗೆ ಇತರ 100 ಕೊಡುಗೆದಾರರೊಂದಿಗೆ ಸಮಾಲೋಚನೆ ನಡೆಸಿ ವಿಶ್ವದ 28 ಪ್ರಮುಖ ತಜ್ಞರ ಎರಡು ವರ್ಷಗಳ ಕೆಲಸದ ಫಲಿತಾಂಶವೇ ಈ ವರದಿಯಾಗಿದೆ.
ವರದಿಯಲ್ಲಿ ಏನನ್ನು ಹೇಳಲಾಗಿದೆ; ಸಾಂಕ್ರಾಮಿಕ ರೋಗವನ್ನು ಅಂತ್ಯಗೊಳಿಸಲು ಸಾರ್ವಜನಿಕ ಆರೋಗ್ಯ ಮತ್ತು ಸುಸ್ಥಿರ ಅಭಿವೃದ್ಧಿಯನ್ನು ಉತ್ತೇಜಿಸಲು ಸಾಮೂಹಿಕ ಕ್ರಮವನ್ನು ತಕ್ಷಣವೇ ತೆಗೆದುಕೊಳ್ಳಬೇಕು ಎಂದು ವರದಿ ಹೇಳಿದೆ. ಇದು ಜಾಗತಿಕ ಆರೋಗ್ಯ ಅಸಮಾನತೆಗಳನ್ನು ಪರಿಹರಿಸುವ ಅಗತ್ಯವನ್ನು ಒತ್ತಿಹೇಳುತ್ತದೆ. ಭವಿಷ್ಯದ ಸಾಂಕ್ರಾಮಿಕ ರೋಗಗಳಿಂದ ಜಗತ್ತನ್ನು ರಕ್ಷಿಸುತ್ತದೆ.
ನಾವು ಇದನ್ನು ಮಾಡಲು ವೈಜ್ಞಾನಿಕ ಸಾಮರ್ಥ್ಯಗಳು ಮತ್ತು ಆರ್ಥಿಕ ಸಂಪನ್ಮೂಲಗಳನ್ನು ಹೊಂದಿದ್ದೇವೆ. ಆದರೆ ಸ್ಥಿತಿಸ್ಥಾಪಕ ಮತ್ತು ಸಮರ್ಥನೀಯ ಚೇತರಿಕೆಯು ಬಲವರ್ಧಿತ ಬಹುಪಕ್ಷೀಯ ಸಹಕಾರ, ಹಣಕಾಸು, ಜೈವಿಕ ಸುರಕ್ಷತೆ ಮತ್ತು ಅತ್ಯಂತ ದುರ್ಬಲ ದೇಶಗಳ ಜನರೊಂದಿಗೆ ಅಂತಾರಾಷ್ಟ್ರೀಯ ಒಗ್ಗಟ್ಟನ್ನು ಅವಲಂಬಿಸಿರುತ್ತದೆ ಎಂದು ಸ್ಯಾಚ್ಸ್ ಹೇಳಿದ್ದಾರೆ.
ಲಸಿಕೆಗಳು, ವೈಯಕ್ತಿಕ ರಕ್ಷಣಾ ಸಾಧನಗಳು ಮತ್ತು ಕಡಿಮೆ ಆದಾಯದ ದೇಶಗಳಲ್ಲಿ ಲಸಿಕೆ ಅಭಿವೃದ್ಧಿ ದುಸ್ತರವಾಗಿದೆ. ಉತ್ಪಾದನೆಗೆ ಸಂಪನ್ಮೂಲಗಳು ಸೇರಿದಂತೆ ಪ್ರಮುಖ ಆರೋಗ್ಯ ಸರಕುಗಳು ಹಾಗೂ ಹಣಕಾಸು ಕೊರತೆ ಬಾಧಿಸಿದೆ. ಇನ್ನು ಲಸಿಕೆ ವಿತರಣೆಗೆ ಸರ್ಕಾರಗಳ ನಡುವಿನ ಸಹಕಾರದ ಕೊರತೆಯ ಕೊರೊನಾವನ್ನು ಶೀಘ್ರವೇ ನಿಯಂತ್ರಣಕ್ಕೆ ತರುವಲ್ಲಿ ವಿಫಲವಾಗಲು ಬಹುಮುಖ್ಯ ಕಾರಣವಾಗಿದೆ ಎಂಬುದನ್ನು ವರದಿಯಲ್ಲಿ ಹೇಳಲಾಗಿದೆ.
ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾದ ತಪ್ಪು ಮಾಹಿತಿ, ಕಡಿಮೆ ಸಾಮಾಜಿಕ ನಂಬಿಕೆ, ಅನೇಕ ದೇಶಗಳಲ್ಲಿ ಕಂಡುಬರುವ ದಿನನಿತ್ಯದ ಸಾರ್ವಜನಿಕ ಆರೋಗ್ಯ ಸೇವೆಗಳ ಕೊರತೆಗಳು ಹೆಚ್ಚಿನ ಸಾವು ನೋವಿಗೆ ಕಾರಣ ಎಂಬುದನ್ನು ಲಾನ್ಸೆಟ್ ವರದಿಯಲ್ಲಿ ಒತ್ತಿ ಹೇಳಲಾಗಿದೆ.
