ಬೆಂಗಳೂರು: ಬೆಂಡೆಕಾಯಿ ಎಂದರೆ ಕೆಲವರು ಮುಖ ಕಿವುಚುತ್ತಾರೆ. ಲೊಳೆಯಂತಹ ಈ ತರಕಾರಿಯನ್ನು ದೂರ ಸರಿಯುವ ಮುನ್ನ ಹೃದಯದ ಆರೋಗ್ಯವನ್ನು ನಿರ್ವಹಣೆ ಮಾಡಬೇಕು ಎಂಬ ಇಚ್ಛೆ ನಿಮಗಿದ್ದರೆ, ನಿಮ್ಮ ಆಹಾರದಲ್ಲಿ ಬೆಂಡೆಕಾಯಿ ಸೇವಿಸಿ ಎನ್ನುತ್ತಿದ್ದಾರೆ ತಜ್ಞರು. ಪ್ರಾಣಿಗಳ ಮೇಲೆ ನಡೆಸಿದ ಅಧ್ಯಯನದಲ್ಲಿ ಬೆಂಡೆಕಾಯಿ ಕಡಿಮೆ ಕೊಲೆಸ್ಟ್ರಾಲ್ ನಿರ್ವಹಣೆ ಮಾಡುವಲ್ಲಿ ಸಹಾಯ ಮಾಡುತ್ತದೆ ಎಂದು ತೋರಿಸಿದೆ. ಇದೇ ರೀತಿ ಪರಿಣಾಮ ಬೆಂಡೆಕಾಯಿ ಮನುಷ್ಯರ ಮೇಲೆ ಬೀರುತ್ತದೆ ಎಂದು ಹೇಳಲು ಸಾಧ್ಯವಾಗದಿದ್ದರೂ ಕೆಲವು ಪರಿಣಾಮವನ್ನು ಇದು ಹೊಂದಿದೆ. ಆರಂಭಿಕ ಈ ಫಲಿತಾಂಶವೂ ಭರವಸೆದಾಯಕವಾಗಿದೆ ಎಂದು ತೋರಿಸಿದೆ
ಪೋಷಕಾಂಶಗಳ ಸಮೃದ್ಧತೆ: ಬೆಂಡೆಕಾಯಿಯಲ್ಲಿ ಪೊಲಿಫೆನೊಲ್ಸ್ ಸಮೃದ್ಧವಾಗಿದೆ. ಅವರು ಆ್ಯಂಟಿ ಆಕ್ಸಿಡೆಂಟ್ ಅಂಶಗಳಿದ್ದು, ರ್ಯಾಡಿಕಲ್ ಮುಕ್ತವಾಗಿ ಕಾರ್ಯ ನಿರ್ವಹಿಸುತ್ತದೆ. ಇದು ರಕ್ತದೊತ್ತಡ, ಕೊಲೆಸ್ಟ್ರಾಲ್ ಮತ್ತು ಊರಿಯೂತ ಕಡಿಮೆ ಮಾಡುವಲ್ಲಿ ಸಹಾಯ ಮಾಡುತ್ತದೆ. ಇದಕ್ಕಿಂತ ಹೆಚ್ಚಾಗಿ ಬೆಂಡೆಕಾಯಿ ರಕ್ತದ ಗ್ಲೂಕೋಸ್ ಮಟ್ಟವನ್ನು ಸ್ಥಿರವಾಗಿ ಇಡಲು ಸಹಾಯ ಮಾಡುತ್ತದೆ. ಇದು ಗ್ಲುಕೋಸ್ ರಕ್ತದೊಳಗೆ ಸೇರುವುದನ್ನು ತಪ್ಪಿಸುತ್ತದೆ. ಬೆಂಡೆಕಾಯಿಯಲ್ಲಿರುವ ಈ ಗುಣವೂ ಪರೋಕ್ಷವಾಗಿ ಹೃದಯದ ಆರೋಗ್ಯಕ್ಕೆ ಸಹಾಯ ಮಾಡಿ, ಹೃದಯ ರೋಗವನ್ನು ತಡೆಯುತ್ತದೆ ಎಂದು ಅಧ್ಯಯನಕಾರರು ತಿಳಿಸಿದ್ದಾರೆ.
ಬೆಂಡೆಯಲ್ಲಿದೆ ಹಲವು ಅಂಶ: ಬೆಂಡೆಕಾಯಿಯು ಬೇಸಿಗೆ ಋತುಮಾನದ ಬೆಳೆಯಾಗಿದ್ದು, ಇದರಲ್ಲಿ ಮಿನರಲ್ಸ್, ವಿಟಮಿನ್ಸ್, ಆ್ಯಂಟಿ - ಆಕ್ಸಿಡೆಂಟ್ ಮತ್ತು ಫೈಬರ್ ಇದೆ. ವಿಟಮಿನ್ ಸಿ, ವಿಟಮಿನ್ ಎ, ವಿಟಮಿನ್ ಕೆ, ಕ್ಯಾಲ್ಸಿಯಂ, ಫೈಬರ್, ಪೋಟಾಶಿಯಂ, ಫೋಲಿಕ್ ಆಸಿಡ್ ಅಂಶ ಇರುತ್ತದೆ. ಇದು ಸ್ಥೂಲಕಾಯ ನಿರ್ವಹಣೆಗೆ ಸಹಾಯ ಮಾಡುವ ಜೊತೆಗೆ ಮಧುಮೇಹ ಮತ್ತು ಹೃದಯ ಸಂಬಂಧಿ ರೋ ನಿರ್ವಹಣೆ ಮಾಡುತ್ತದೆ. ಅಷ್ಟೇ ಅಲ್ಲದೇ ಇದು ದೇಹದ ವಿಷಪೂರಿತ ಅಂಶವನ್ನು ದೂರ ಮಾಡುತ್ತದೆ.
ಇದರಲ್ಲಿನ ಫೈಬರ್ ಅಂಶವು ಮಲಬದ್ದತೆ ನಿವಾರಣೆಗೆ ಸಹಾಯ ಮಾಡುತ್ತದೆ. ಜೀರ್ಣ ಕ್ರಿಯೆಗೆ ಸುಧಾರಿಸುವಲ್ಲಿ ಇದು ಪ್ರಮುಖವಾಗದೆ. ಅಲ್ಲದೇ ಬೆಂಡೆಕಾಯಿಯಲ್ಲಿರುವ ಆ್ಯಂಟಿ - ಆಕ್ಸಿಡೆಂಟ್ ಒತ್ತಡವನ್ನು ಕಡಿಮೆ ಮಾಡಿ, ಚರ್ಮದ ಮೇಲೆ ಹಾಕುವ ಹಾನಿ ತಡೆಯುತ್ತದೆ. ವಯಸ್ಸಾಗುವಿಕೆ ಪ್ರಕ್ರಿಯೆನ್ನು ನಿಧಾನಗೊಳಿಸುತ್ತದೆ.
ಬೆಂಡೆಕಾಯಿ ಅನೇಕ ಪೋಷಕಾಂಶಗಳಿಂದ ಕೂಡಿದ್ದು, ಹಲವು ಆರೋಗ್ಯ ಪ್ರಯೋಜನವನ್ನು ಹೊಂದಿದೆ. ಈ ಹಿನ್ನೆಲೆ ನಿಮ್ಮ ಆಹಾರ ಪದ್ಧತಿಯಲ್ಲಿ ಈ ಬೆಂಡೆಕಾಯಿ ಬಳಕೆ ಮಾಡುವುದರಿಂದ ಹೆಚ್ಚಿನ ಲಾಭವನ್ನು ಪಡೆಯಬಹುದು ಎಂದು ಅಧ್ಯಯನ ತಿಳಿಸಿದೆ.
ಇದನ್ನೂ ಓದಿ: ನಿಮಗೆ ಶಕ್ತಿ ಒದಗಿಸುವ ಸುಲಭ ಬೆಳಗಿನ ಆಹಾರಗಳಿವು.. ಹಾಗಾದರೆ ನಿಮ್ಮ ಮೆನುವಿನಲ್ಲಿ ಇವುಗಳಿವೆಯಾ ಚಕ್ ಮಾಡಿ!
