ನೀವು ಬಳಸುವ ಎಸಿಗಳು ಹೆಚ್ಚು ಕೆಲಸ ಮಾಡಬೇಕಾ; ಈ ಸಲಹೆ ಪಾಲಿಸಿ!

ಚಳಿಗಾಲ ಕಳೆದು ಬೇಸಿಗೆಗೆ ಪ್ರವೇಶಿಸುತ್ತಿದ್ದಂತೆ ಜನರು ಎಸಿ ಮೊರೆ ಹೋಗುವುದು ಸಹಜ. ಈ ನಿಟ್ಟಿನಲ್ಲಿ ಸಿದ್ದರಾಗಲು ಈ ಅಂಶಗಳು ಸಹಾಯ ಮಾಡುತ್ತವೆ.

ಕ್ಯಾನ್​ಬೆರ್ರಾ: ಅನೇಕ ಮಂದಿಯ ಮನೆಯಲ್ಲಿ ಇಂದು ಏರ್​ ಕಂಡಿಷನರ್​ ಇದ್ದರೂ, ಇದನ್ನು ಸಾಮರ್ಥ್ಯದಾಯಕವಾಗಿ ಬಳಕೆ ಮಾಡಿರುವ ಕುರಿತು ಅರಿವು ಹೊಂದಿರುವುದಿಲ್ಲ. ಅಲ್ಲದೇ ಇದು ಹೆಚ್ಚಿನ ಶಕ್ತಿ ಬಳಕೆ ಮಾಡುತ್ತದೆ ಎಂದು ನಂಬಿರುತ್ತಾರೆ. ಅನೇಕ ಮಂದಿ ಹಣ ಮತ್ತು ಶಕ್ತಿ ಉಳಿಸಲು ಈ ಏರ್​ ಕಂಡಿಷನ್​​ ಅನ್ನು ಅತ್ಯಂತ ಕಡಿಮೆ ತಾಪಮಾನ ಅಂದರೆ 17ಡಿಗ್ರಿ ಸೆಲ್ಸಿಯಸ್​​ಗೆ ಕಡಿಮೆ ಕಾಲ ಇಟ್ಟು ಬಳಿಕ ಸ್ವಿಚ್ಡ್​​​ ಆಫ್​ ಮಾಡುತ್ತಾರೆ. ಮತ್ತೆ ಬಿಸಿಲ ಧಗೆ ಆಗುವವರೆಗೆ ಇರುವ ತಂಪು ತಾಪಮಾನದಲ್ಲಿ ಕಾಲ ಕಳೆಯುತ್ತಾರೆ. ಈ ಎಸಿಗಳು ರೂಮ್​​ನ ತಾಪಮಾನವನ್ನು ಅತ್ಯಂತ ಕಡಿಮೆ ಮಾಡಲು ಹೆಚ್ಚಿನ ಶಕ್ತಿ ಬಳಕೆ ಮಾಡುತ್ತದೆ.

ಕಡಿಮೆ ಕಾಲ ಮತ್ತು ಆಗ್ಗಾಗ್ಗೆ ತಂಪು ಮಾಡಿಕೊಳ್ಳಲು ಎಸಿ ಆನ್​ ಮಾಡುವುದು ಮಿತವ್ಯಯ ಎಂದು ತಿಳಿದಿದ್ದರೆ ಅದು ತಪ್ಪು. ಶಕ್ತಿ ಉಳಿಸುವ ಆಯ್ಕೆ ಇದಲ್ಲ. ಈ ಹಿನ್ನೆಲೆಯಲ್ಲಿ ಮೊದಲು ಈ ಕ್ರಮವನ್ನು ಅನುಸರಿಸುವುದು ಮುಖ್ಯವಾಗುತ್ತದೆ.

• ಮೊದಲಿಗೆ ನಿಮ್ಮ ಕೋಣೆ ಅಥವಾ ಮನೆ ಸೇರುತ್ತಿರುವ ಶಾಖವನ್ನು ಕಡಿಮೆ ಮಾಡಬೇಕು
• ಶಾಖವು ಕೋಣೆ ಸೇರುವ ಮೊದಲೇ ಕಿಟಕಿ ಮತ್ತಿತ್ತರ ಮಾರ್ಗಗಳನ್ನು ಮುಚ್ಚಬೇಕು
• ಹೆಚ್ಚು ಹೆಚ್ಚು ಗಿಡಗಳನ್ನು ಬೆಳಸಿ
• ಉತ್ತರ ಮತ್ತು ಪಶ್ಚಿಮದಲ್ಲಿ ಹೆಚ್ಚುವರಿ ಶೇಡಿಂಗ್​ ಅಳವಡಿಸುವ ಮೂಲಕ ಬಿಸಿಲಿನ ತಾಪ ಕಡಿಮೆ ಮಾಡಿ.
• ಮನೆಯ ಸೀಲಿಂಗ್​ ಮತ್ತು ಗೋಡೆಗಳ ಸುಧಾರಿಸಬಹುದು, ಕಿಟಕಿಗಳಿಂದ ಅತಿ ಹೆಚ್ಚು ಬಿಸಿಲು ಒಳಬಾರದಂತೆ ಸೀಲಿಂಗ್​ ಮತ್ತು ಗ್ಲಾಸ್​ ಅಳವಡಿಕೆ ಮಾಡಬಹುದು.
• ಬಿಸಿಲಿನ ದಿನಗಳಲ್ಲಿ ಓವನ್​ ಮತ್ತು ಕುಕ್​ಟಾಪ್​ಗಳ ಬಳಕೆಯನ್ನು ಕಡಿಮೆ ಮಾಡಿ.

​​ ಸೋಲಾರ್​ ವ್ಯವಸ್ಥೆ: ಮನೆಯ ಛಾವಣಿಯಲ್ಲಿ ಅಳವಡಿಸುವ ಸೋಲಾರ್​ ವ್ಯವಸ್ಥೆಯಿಂದ ಎರಡು ರೀತಿಯ ಲಾಭವಿದೆ. ಇದು ಶಾಖವನ್ನು ಕಡಿಮೆ ಮಾಡುವ ಜೊತೆಗೆ ಶಕ್ತಿ ಬಳಕೆ ಮಾಡುತ್ತದೆ.

ಹೆಚ್ಚು ಎಸಿ ಬಳಕೆ: ಎಸಿಯಲ್ಲಿನ ಶಕ್ತಿ ಹೆಚ್ಚಿಗೆ ಮಾಡಬೇಕು ಎಂದು ಬಯಸಿದ್ದರೆ, ಅದನ್ನು ಅತಿ ಹೆಚ್ಚಿನ ಮಟ್ಟಕ್ಕೆ ಇಡುವುದು ಉತ್ತಮ. ಅಂದರೆ ಬೆಳಗಿನ ಹೊತ್ತು 26 ಸೆಲ್ಸಿಯಸ್​​​ ಮತ್ತು ರಾತ್ರಿ 22 ಸೆಲ್ಸಿಯಸ್​ಗೆ ಇಡುವುದರಿಂದ ಹೆಚ್ಚು ಆರಾಮದಾಯಕವಾಗಿರುತ್ತದೆ. ಆಧುನಿಕ ಘಟಕದಲ್ಲಿ ಅಂದರೆ ಇನ್ವರ್ಟರ್​ ಟೆಕ್ನಾಲಜಿಯಲ್ಲಿ ಇದು ಒಳಾಂಗಣ ತಾಪಮಾನದ ನಿರ್ವಹಣೆಗೆ ಅನುಗುಣವಾಗಿ ಹೊಂದಿಸಿಕೊಳ್ಳುತ್ತದೆ. ಇದನ್ನು ಆಯ್ಕೆ ಮಾಡಬೇಕು ಅಷ್ಟೇ.

ಕಡಿಮೆ ತಾಪಮಾನಕ್ಕೆ ಎಸಿ ಇಡುವುದರಿಂದ ಅದು ನೀವು ಯೋಚಿಸುವುದಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಶಕ್ತಿಯನ್ನು ಬಳಕೆ ಮಾಡುತ್ತದೆ. ಹಳೆಯ ನಾನ್​ ಇನ್ವರ್ಟಬಲ್​ ಘಟಕಗಳು ಆಫ್​ ಮತ್ತು ಆನ್​ ಮಾಡುವ ಮೂಲಕ ತಾಪಮಾನ ನಿಯಮತ್ರಣಕ್ಕೆ ಸಹಾಯಕವಾಗುತ್ತದೆ. ಆದರೆ, ಹೊಸ ಇನ್ವರ್ಟರ್​​ಗಳು ಇದಕ್ಕೆ ತದ್ವಿರುದ್ದವಾಗಿರುತ್ತವೆ. ಅವುಗಳನ್ನು ಸ್ವತಃ ತಾಪಮಾನಕ್ಕೆ ಹೊಂದಿಕೆಯಾಗುವಂತೆ ನಿರಂತರವಾಗಿ ಕಾರ್ಯ ನಿರ್ವಹಿಸುತ್ತದೆ.

ನಾನ್​ ಇನ್ವರ್ಟರ್​ ಘಟಕಗಳು ಸಾಮಾನ್ಯವಾಗಿ ದೀರ್ಘಕಾಲದ ಕೆಲಸ ಮಾಡುವುದು ಕಷ್ಟ. ಇವು ನೀವು ತಂಪು ಮಾಡಲು ಹೆಚ್ಚಿನ ಶಕ್ತಿಯನ್ನು ಬಳಕೆ ಮಾಡುತ್ತದೆ.

ಸೀಲಿಂಗ್​ ಫಾನ್ಸ್​​ಗಳ ಸಹಾಯ: ಯಾವುದೇ ರೀತಿಯ ಎಸಿ ಇದ್ದರೂ ಅವು 1 ಸೆಲ್ಸಿಯಸ್​​​ ತಾಪಮಾನ ಕಡಿಮೆ ಮಾಡಲು ಶೇ 5 ರಿಂದ 10ರಷ್ಟು ಶಕ್ತಿಯನ್ನು ಬಳಕೆ ಮಾಡುತ್ತದೆ. ಈ ಹಿನ್ನೆಲೆಯಲ್ಲಿ ಅತಿ ಹೆಚ್ಚು ಕೂಲ್​ ಮಾಡುವುದು ಉತ್ತಮವಲ್ಲ ಎಂಬುದು ಗಮನಿಸಬೇಕಾಗಿರುವ ಅಂಶ. ಏರ್​​ ಕಂಡಿಷನ್​ ಜೊತೆಯಲ್ಲಿ ಸೀಲಿಂಗ್​ ಫ್ಯಾನ್​​ಗಳ ಬಳಕೆ ಮಾಡುವುದರಿಂದ ಗಾಳಿಯ ಚಲನೆ ಉಂಟಾಗಿ 203 ಸೆಲ್ಸಿಯನ್​ ತಂಪು ಆಗುತ್ತದೆ. ಎಸಿಯಲ್ಲಿನ ಏರ್​ ಫಿಲ್ಟರ್​ ಅನ್ನು ನಿಯಮಿತವಾಗಿ ಸ್ವಚ್ಛ ಮಾಡುವುದು, ಅದರ ಗ್ರೀಲ್​ ಮತ್ತು ವೆಂಟ್ಸ್​ ಅನ್ನು ಶುಚಿ ಮಾಡುವುದು ಅಗತ್ಯ ಎಂಬುದನ್ನು ಮರೆಯಬಾರದು.

ಇದನ್ನೂ ಓದಿ: ಮಾನಸಿಕ ಆರೋಗ್ಯ ವೃದ್ಧಿಗೆ ಸೈಕಲ್​ ತುಳಿಯಿರಿ: ಅಧ್ಯಯನ