ಚಪಾತಿ ಹಸಿದವರ ಹೊಟ್ಟೆ ಜತೆಗೆ ಈ ಮಹಿಳೆಯ ಜೀವನ ರೂಪಿಸಿತು..

ಕುಡುಕ ಗಂಡನನ್ನು ಕಳೆದುಕೊಂಡ ಮಹಿಳೆ ಎದೆಗುಂದದೆ ಸಂಸಾರ ಸಾಗಿಸಲು ಚಪಾತಿ ಉದ್ಯಮಿ ಪ್ರಾರಂಭಿಸಿ ಬದುಕು ಕಟ್ಟಿಕೊಂಡು ಇತರ ಅಬಲೆ ಹೆಣ್ಣುಮಕ್ಕಳಿಗೆ ಮಾದರಿಯಾದ ಗಟ್ಟಿಗಿತ್ತಿ ಮಹಿಳೆಯ ಛಲದ ಬದುಕು ಸದ್ಯ ಎಲ್ಲರಿಗೂ ಮಾದರಿಯಾಗಿದೆ.

ಕಾರವಾರ: ಬದುಕು ಕಲಿಸುವ ಪಾಠ ಭವಿಷ್ಯತ್ತಿಗೆ ದಾರಿ ಅನ್ನೊಹಾಗೆ ಕುಡುಕ ಗಂಡನನ್ನು ಕಳೆದುಕೊಂಡ ಮಹಿಳೆ ಎದೆಗುಂದದೆ ಸಂಸಾರ ಸಾಗಿಸಲು ಚಪಾತಿ ಉದ್ಯಮಿ ಪ್ರಾರಂಭಿಸಿ ಬದುಕು ಕಟ್ಟಿಕೊಂಡು ಇತರರಿಗೆ ಮಾದರಿಯಾಗಿದ್ದಾರೆ.

ನಗರದ ಮರಿಯಾ ನಗರದ ನಿವಾಸಿ ಸಂಗೀತಾ ರಮಾಕಾಂತ ವರ್ಣೇಕರ್ ಮದುವೆಯಾಗಿ ಶ್ರೀಮಂತ ಕುಟುಂಬವೊಂದರ ಮನೆ ಸೇರಿದ್ದರು, ಸುಂದರ ಬದುಕು ಕಟ್ಟಿಕೊಳ್ಳುವ ಹೊತ್ತಿಗೆ ಕಾರಣಾಂತರಗಳಿಂದ ಕುಟುಂಬದ ಶ್ರೀಮಂತಿಕೆ ಸಹ ಕಳೆದುಹೋಗಿತ್ತು. ಬಳಿಕ ಕುಟುಂಬದ ನಿರ್ವಹಣೆ ಹೊರಬೇಕಿದ್ದ ಗಂಡ ಕೂಡ ವಿಪರಿತ ಕುಡಿತದ ಚಟಕ್ಕೆ ಬಲಿಯಾಗಿದ್ದ.