ಉಡುಪಿ ಅಜೆಕಾರು ಠಾಣೆ ಎಎಸ್ಐಗೆ ಕೊರೊನಾ: ಠಾಣೆಯನ್ನು 48 ಗಂಟೆ ಖಾಲಿ ಬಿಡಲು ನಿರ್ಧಾರ

ಅಜೆಕಾರು ಠಾಣೆ ಎಎಸ್​ಐಗೆ ಕೊರೊನಾ ಸೋಂಕು ತಗುಲಿರುವ ಹಿನ್ನೆಲೆಯಲ್ಲಿ ಠಾಣೆಯನ್ನು 48 ಗಂಟೆಗಳ ಕಾಲ ಖಾಲಿ ಬಿಡಲು ನಿರ್ಧರಿಸಲಾಗಿದ್ದು, ಸದ್ಯ ಅಜೆಕಾರು ಪೊಲೀಸ್ ಠಾಣೆ ಅಜೆಕಾರು ಅಂಗನವಾಡಿಯಲ್ಲಿ ತನ್ನ ಕಾರ್ಯನಿರ್ವಹಿಸಿತ್ತಿದೆ.

ಉಡುಪಿ: ಅಜೆಕಾರು ಠಾಣೆ ಎಎಸ್​ಐಗೆ ಕೊರೊನಾ ಸೋಂಕು ತಗುಲಿರುವ ಹಿನ್ನೆಲೆಯಲ್ಲಿ ಠಾಣೆಯನ್ನು 48 ಗಂಟೆಗಳ ಕಾಲ ಖಾಲಿ ಬಿಡಲು ನಿರ್ಧರಿಸಲಾಗಿದೆ.

ಕಾರ್ಕಳ ತಾಲೂಕಿನ ಅಜೆಕಾರು ಪೊಲೀಸ್ ಠಾಣೆ ಈಗ ಅಜೆಕಾರು ಅಂಗನವಾಡಿಯಲ್ಲಿ ತನ್ನ ಕಾರ್ಯನಿರ್ವಹಿಸಿತ್ತಿದೆ. ಅಂಗನವಾಡಿ ಬೋರ್ಡ್ ಮೇಲೆ ಪೊಲೀಸ್ ಠಾಣೆ ಬೋರ್ಡ್ಅ​ನ್ನು ಪೊಲೀಸರು ನೇತು ಹಾಕಿದ್ದಾರೆ. ಅಜೆಕಾರು ಅಂಗನವಾಡಿಯನ್ನು ಪೊಲೀಸ್ ಠಾಣೆ ಮಾಡಿ ಜಿಲ್ಲಾಡಳಿತ ಆದೇಶ ಹೊರಡಿಸಿತ್ತು. ಸದ್ಯ ಪೊಲೀಸ್ ಠಾಣೆಯನ್ನು ಪೊಲೀಸರು ಸ್ಯಾನಿಟೈಸ್ ಮಾಡಿಸುತ್ತಿದ್ದಾರೆ.

ಮತ್ತೊಂದೆಡೆ ಜಿಲ್ಲೆಯ ಕಾಪು ತಾಲೂಕಿನ ಸೋಂಕಿತ ವ್ಯಕ್ತಿ ಹೇರ್ ಕಟಿಂಗ್ ಮಾಡಿಸಿದ್ದಕ್ಕೆ ತಾಲೂಕಿನಾದ್ಯಂತ ಸಲೂನ್​ಗಳನ್ನು ಬಂದ್ ಮಾಡಲಾಗಿದೆ. ಉಡುಪಿ ಜಿಪಂನ ಹೊರಗುತ್ತಿಗೆ ನೌಕರನಿಗೆ ಸೋಂಕು ತಗುಲಿರುವುದು

ಸೋಮವಾರ ದೃಢಪಟ್ಟಿದೆ. ಸೋಂಕಿತ ವ್ಯಕ್ತಿ ಕಟಪಾಡಿಯ ಸರಕಾರಿ ಗುಡ್ಡೆ ನಿವಾಸಿಯಾಗಿದ್ದು, ವಾರದ ಹಿಂದಷ್ಟೇ ಸರಕಾರಿ ಗುಡ್ಡೆಯಲ್ಲಿ ಕ್ಷೌರ ಮಾಡಿಸಿದ್ದ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಆತಂಕಗೊಂಡಿರುವ ಸಲೂನ್ ಮಾಲೀಕರು ಸೋಂಕು ಹಬ್ಬದಿರಲು ಸೆಲೂನ್ ಬಂದ್ ಮಾಡಲು ನಿರ್ಧರಿಸಿದ್ದಾರೆ.