ಶಿಲ್ಪಾ ಫೌಂಡೇಶನ್​​​ ವತಿಯಿಂದ ಸಿಎಂ ಪರಿಹಾರ ನಿಧಿಗೆ 5 ರೂ. ಲಕ್ಷ ಹಸ್ತಾಂತರ

ರಾಜ್ಯದಲ್ಲಿ ಉಂಟಾದ ಪ್ರವಾಹದಿಂದ ಅನೇಕರು ಮನೆ-ಮಠ ಕಳೆದುಕೊಂಡು ನಿರ್ಗತಿಕರಾಗಿದ್ದಾರೆ. ಅವರ ಸಹಾಯಕ್ಕೆ ಅನೇಕ ದಾನಿಗಳು, ಸಂಘ ಸಂಸ್ಥೆಗಳು ನೆರವು ನೀಡಿ ಸಾಮಾಜಿಕ ಕಾಳಜಿ ಮೆರೆದಿದ್ದು, ಈಗ ಶಿಲ್ಪಾ ಫೌಂಡೇಶನ್ ಕೂಡ ನೆರವಿಗೆ ಬಂದಿದೆ.

ರಾಯಚೂರು: ಇಲ್ಲಿನ ಶಿಲ್ಪಾ ಫೌಂಡೇಶನ್, ಡಿಸಿ ಶರತ್ ಅವರ ಮೂಲಕ ಮುಖ್ಯಮಂತ್ರಿಗಳ ಪ್ರಕೃತಿ ವಿಕೋಪ ಪರಿಹಾರ ನಿಧಿಗೆ ರೂ. 5 ಲಕ್ಷ ನೀಡಿ ಮಾನವೀಯತೆ ಮೆರೆದಿದೆ.

ಕಳೆದ 15-20 ದಿನಗಳಿಂದ ರಾಜ್ಯದಲ್ಲಿ ಉಂಟಾದ ಅತಿವೃಷ್ಟಿಯಿಂದಾಗಿ ಅನೇಕರು ನಿರ್ಗತಿಕರಾಗಿದ್ದು, ಆಸ್ತಿ-ಪಾಸ್ತಿ ಕಳೆದುಕೊಂಡಿದ್ದಾರೆ. ಜಿಲ್ಲೆಯಲ್ಲಿ ಅನೇಕ ಸಮಾಜಮುಖಿ ಕೆಲಸ ಮಾಡುತ್ತಿರುವ ಶಿಲ್ಪಾ ಫೌಂಡೇಶನ್ ಸಂತ್ರಸ್ತರಿಗೆ ಸಹಾಯಹಸ್ತ ನೀಡಿ ಕಾಳಜಿ ಮೆರೆದಿದೆ.

ಶಿಲ್ಪಾ ಫೌಂಡೇಶನ್​ನ ದೀಪಕ್ ಇನ್ನಾಣಿ ಮತ್ತು ಅಜೀತ್ ಸಚೀತಿ ಅವರು ಡಿಸಿ ಶರತ್​ ಬಿ. ಅವರಿಗೆ 5 ಲಕ್ಷದ ಚೆಕ್ ನೀಡಿ ಸಂತ್ರಸ್ತರ ಕಷ್ಟಕ್ಕೆ ಸ್ಪಂದಿಸಿದ್ದಾರೆ.