ಗಾಂಜಾ ಬೆಳೆದ ಆರೋಪ: ಓರ್ವನ ಬಂಧನ

ಕುಷ್ಟಗಿ ಪೊಲೀಸ್ ಠಾಣಾ ವ್ಯಾಪ್ತಿಯ ಮ್ಯಾದರಡೊಕ್ಕಿ ಗ್ರಾಮದಲ್ಲಿ ಅಕ್ರಮವಾಗಿ ಗಾಂಜಾ ಗಿಡಗಳನ್ನು ಬೆಳೆದಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಕುಷ್ಟಗಿ/ಕೊಪ್ಪಳ: ಅಕ್ರಮವಾಗಿ ಗಾಂಜಾ ಗಿಡಗಳನ್ನು ಬೆಳೆದಿದ್ದ ಆರೋಪಿಯನ್ನು ಬಂಧಿಸಿರುವ ಘಟನೆ ಕುಷ್ಟಗಿ ಪೊಲೀಸ್ ಠಾಣಾ ವ್ಯಾಪ್ತಿಯ ಮ್ಯಾದರಡೊಕ್ಕಿ ಗ್ರಾಮದಲ್ಲಿ ನಡೆದಿದೆ.

ಮ್ಯಾದರಡೊಕ್ಕಿ ಗ್ರಾಮದ ಹನಮಂತ ದೇವಪ್ಪ ಯರದೊಡ್ಡಿ ಬಂಧಿತ ವ್ಯಕ್ತಿ. ಈತ ತನ್ನ ಸ್ವಂತ ಜಮೀನಿನ ಹಳೇ ಮನೆಯ ಹಿತ್ತಲಿನಲ್ಲಿ 6 ಕೆಜಿ, 250 ಗ್ರಾಂ ತೂಕದ 7 ಗಿಡಗಳನ್ನು ಬೆಳೆಸಿದ್ದ.

ಇನ್ನು ಅರೋಪಿ ಹನಮಂತ ದೇವಪ್ಪನನ್ನು ಈಗಾಗಲೇ ಬಂಧಿಸಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ ಎಂದು ತಾವರಗೇರಾ ಠಾಣೆಯ ಪಿಎಸ್ ಐ ಗೀತಾಂಜಲಿ ಶಿಂಧೆ ತಿಳಿಸಿದ್ದಾರೆ.